விழுப்புரம் மாவட்டம் செஞ்சி பகுதியில் கடந்த 3 நாட்களாக பலத்த மழை பெய்து வருவதால் அனைத்து ஏரிகளும் நிரம்பி விட்டன. இந்நிலையில் அப்பம்பட்டு, சென்னாலூர், புத்தகரம் உள்ளிட்ட இடங்களில் ஏரிகள் உடைப்பு ஏற்பட்டு தண்ணீர் வெளியேறியது. அப்பம்பட்டு ஏரி உடைந்ததால் சுமார் 150க்கும் மேற்பட்ட வீடுகளில் தண்ணீர் புகுந்தது. தெருக்களில் வெள்ளம் பாய்ந்தோடியது. இவ்வீடுகளில் இருந்த 300 பேர் தனியார் திருமண மண்டபத்தில் தங்க வைக்கப்பட்டுள்ளனர்.
