297 ரன்களில் இந்தியா ஆல்அவுட் - ரஹானே, ஜடேஜா அரை சதம்

வெஸ்ட் இண்டீஸ் அணிக்கு எதிரான டெஸ்ட் போட்டியின் முதல் இன்னிங்ஸில் இந்திய அணி 297 ரன்களில் ஆல் அவுட் ஆனது.

இந்தியா மற்றும் வெஸ்ட் இண்டீஸ் அணிகள் இடையேயான முதல் டெஸ்ட் போட்டி அண்டிகுவாவில் உள்ள சர் விவியன் ரிச்சர்ட்ஸ் மைதானத்தில் நடைபெற்று வருகிறது. இந்தப் போட்டியில் டாஸ் வென்ற வெஸ்ட் இண்டீஸ் அணி முதலில் பவுலிங்கை தேர்வு செய்தது. இதனால் இந்த அணி முதல் பேட்டிங் செய்தது. தொடக்க ஆட்டக்காரர் கே.எல்.ராகுல் நிலைத்து விளையாட, மறுபுறம் மயாங் அகர்வால் 5 (13), புஜரா 2 (4), விராட் கோலி 9 (12) என அடுத்ததடுத்து விக்கெட்டுகளை இழந்தனர். 44 (97) ரன்களில் அரை சதத்தை எட்டாமல் ராகுலும் பெவிலியன் திரும்பினார்.

பின்னர் வந்த ரஹானே நிலைத்து ஆடினார். அரை சதத்தை கடந்த அவர் 81 (163) ரன்கள் எடுத்து ஆட்டமிழந்தார். தங்கள் பங்கிற்கு ரிஷாப் 24 (47) மற்றும் ஹனுமா விஹாரி 32 (56) ரன்கள் எடுத்தனர். பின்னர் வந்த ரவீந்திர ஜடேஜா 58 (112) எடுத்து விக்கெட்டை இழந்தார். 96.4 ஓவர்களில் 297 ரன்கள் சேர்த்து இந்திய அணி ஆல் அவுட் ஆனது. வெஸ்ட் இண்டீஸ் அணியில் கேமர் ரோச் 4 விக்கெட்டுகளையும், கேப்ரியல் 3 விக்கெட்டுகளையும் சாய்த்தனர்.