ஆஸ்திரேலியா கேப்டன் ஸ்டீவ் ஸ்மித் இந்தியாவிற்கு எதிரான தொடரில் சில சமயங்களில் தனது உணர்வுகள் கட்டுப்பாட்டை இழந்ததாகவும் அதற்காக மன்னிப்பு கேட்பதாகவும் தெரிவித்தார்.
நான்காவது டெஸ்ட் போட்டிக்கு பிறகு பேசுகையில் இதனை ஸ்மித் தெரிவித்தார். இந்திய - ஆஸ்திரேலியாவிற்கு எதிரான நான்கு டெஸ்ட் போட்டிகளை கொண்ட தொடரை 2-1 என்ற கணக்கில் இந்தியா கைப்பற்றியது. இந்த டெஸ்ட் போட்டியின் போது பல சர்ச்சைகள் உருவெடுத்தன.
இரண்டாவது டெஸ்ட் போட்டியில் பேட்டிங் செய்யும் போது டிஆர்எஸ் முறை மூலம் அப்பீல் செய்ய பெவிலியனில் இருந்த வீரர்களின் உதவியை ஸ்மித் நாடியது பெரும் சர்சையை ஏற்படுத்தியது. இதன் பிறகு, டிஆர்எஸ் முறையில் ஆஸ்திரேலியர்கள் ஏமாற்றுவது தொடர்ந்து வருவதாக விராட் கோலி கூறினார்.
நான்காவது டெஸ்ட் போட்டியின் போது, இந்திய அணியின் தொடக்க ஆட்டக்காரரான விஜயை ஸ்டீவ் ஸ்மித் தகாத வார்த்தைகளால் திட்டிய வீடியோ வைரலாகியது.
இந்நிலையில் செய்தியாளர்களிடம் பேசிய ஸ்மித், தான் சில சமயங்களில் உணர்ச்சிவசப்பட்டதற்கு மன்னிப்பு கேட்டுள்வதாகத் தெரிவித்தார்.
