சென்னை சூப்பர் கிங்ஸ் அணியின் கேப்டன் மகேந்திர சிங் தோனி, பஞ்சாப் கிங்ஸ் அணிக்கு எதிரான டாஸின் போது புதிர் போடும் விதமாக பேசியுள்ளார். இதில் அடுத்த சீசனில் அவர் விளையாடுவது குறித்தும் தெரிவித்துள்ளார்.
தோனி என்ன சொன்னார்?
“உடலை கட்டுக்கோப்பாக வைத்துக் கொள்வது மிகவும் கடினம். ஐபிஎல் தொடரை ஒத்திவைப்பது என்பது குறைவான கால கட்டத்திகள் அதிக போட்டிகள் விளையாட வேண்டி இருக்கும். தனிப்பட்ட முறையில் அதனால் எந்த கவலையும் இல்லை.
அடுத்த சீசனிள் நிச்சயம் நீங்கள் என்னை மஞ்சள் நிற ஜெர்சியில் பார்க்கலாம். ஆனால் அது சென்னை சூப்பர் கிங்ஸ் அணிக்காக நான் விளையாடுவேனா என்பது தெரியாது. அடுத்து வரவுள்ள மாற்றங்களில் ஒரு ஸ்திரத்தன்மை இல்லாமல் இருக்கலாம். புதிதாக இரண்டு அணிகள் வர உள்ளன. வீரர்களை தக்கவைத்துக் கொள்ளும் விதிகளிலும் மாற்றம் இருக்கும்” என தோனி தெரிவித்துள்ளார்.
அதனால், தோனி அடுத்த சீசனில் ஒரு வீரராக விளையாடுவாரா? என்பது சந்தேகம் தான் என ரசிகர்கள் கருதத் தொடங்கிவிட்டனர். இருப்பினும் மஞ்சள் ஆடையில் இருப்பேன் என தோனி சொல்லியுள்ளதால் அவர் நிச்சயம் அணியின் ஆலோசகராக இருப்பார் என்றே தெரிகிறது. அதாவது பிளமிங் உடன் பணியை பகிர்ந்து கொள்வார் என்றே சொல்லலாம்.
