இந்திய கிரிக்கெட் வீரர் சாஹல்-நடன இயக்குநர் தனஸ்ரீ தம்பதிக்கு நேற்று திருமணம் நடந்தது. அது தொடர்பான புகைப்படங்களை அவர்கள் சமூக வலைதளங்களில் பதிவிட்டுள்ளனர்
இந்திய கிரிக்கெட் வீரர் சாஹல்-நடன இயக்குநர் தனஸ்ரீ தம்பதிக்கு சில மாதங்களுக்கு முன்பு நிச்சயதார்த்தம் நடந்தது. அதற்கு பின் ஐபிஎல் போட்டிகள் நடந்தன. ஐபிஎல் போட்டிகளை காண தனஸ்ரீ துபாய்க்கே சென்றார். அங்கு எடுக்கப்பட்ட சாஹல்-தனஸ்ரீ புகைப்படங்களும் இணையத்தில் வைரலாகின.
இந்நிலையில், இந்த தம்பதி தற்போது திருமண வாழ்க்கைக்குள் நுழைந்துள்ளது. திருமணம் தொடர்பான முன்னறிவிப்பு ஏதும் வெளியாகவில்லை. நெருக்கமானவர்களை கொண்டு சாஹல் - தனஸ்ரீ தம்பதிக்கு நேற்று திருமணம் நடந்தேறியது.
நெருக்கமான உறவினர்கள், நண்பர்கள் மட்டுமே திருமணத்தில் கலந்துகொண்டனர். திருமண புகைப்படங்களை சாஹலும், தனஸ்ரீயும் தங்களுடைய சமூக வலைதளங்களில் பதிவிட்டுள்ளனர். பலரும் புதுமண தம்பதிக்கு வாழ்த்துகளை பதிவிட்டு வருகின்றனர்
