சென்னை சூப்பர் கிங்ஸ், கொல்கத்தா நைட் ரைடர்ஸ் அணிகளுக்கு இடையிலான போட்டி கொல்கத்தாவின் ஈடன் கார்டன் மைதானத்தில் நடைபெறுகிறது. இதில் டாஸ் வென்ற கொல்கத்தா அணி முதலில் பந்து வீச தீர்மானித்துள்ளது.
சென்னை அணி இதுவரை 6 வெற்றி, 2 தோல்வியுடன் புள்ளிப் பட்டியலில் முதலிடத்தில் இருக்கிறது. இந்தப் போட்டியில் வெற்றி பெற்றால் சென்னை அணி புள்ளிப்பட்டியலில் அடுத்த கட்டத்துக்கு நகரும். அதேபோல், அடுத்தச் சுற்றுக்கு முன்னேறியதையும் கிட்டத்தட்ட உறுதி செய்யும்.
இந்தப் போட்டியில் சென்னை அணியின் வெற்றியை டெல்லி டேர்டெவிஸ், மும்பை இண்டியன்ஸ் மற்றும் பெங்களூரு ராயல் சேலஞ்சர்ஸ் அணிகள் எதிர்ப்பார்த்துக் கொண்டிருக்கின்றன. சென்னை அணி வெற்றி பெறும் பட்சத்தில் கொல்கத்தா அணி அடுத்தக் கட்டத்திற்கு செல்லும் முயற்சி தடுத்து நிறுத்தப்படும். அதேபோல், மும்பை, டெல்லி அணிகளுக்கும் அவர்களுக்கான இறுதி வாய்ப்பு இன்னும் கொஞ்சம் நீடிக்கும்.
கொல்கத்தா அணி வெற்றி பெற்றால், புள்ளிப்பட்டியல் கிட்டத்தட்ட இரண்டு பிரிவுகளாக பிரிக்கப்பட்டுவிடும். கொல்கத்தா தோற்றால் தான் பெங்களூரு, ராஜஸ்தான், டெல்லி, மும்பை அணிகளுக்கு அடுத்த சுற்றுக்கான வாய்ப்பு குறைந்துவிடும். சென்னை அணியின் வெற்றியை மும்பை, டெல்லி அணி ரசிகர்கள் எதிர்பார்த்து இருப்பது போல் ரசிகர்கள் மீம்ஸ்களையும் பதிவிட்டு வருகின்றனர்.
