இந்தியா மற்றும் தென்னாப்பிரிக்க இடையிலான இரண்டாவது டி20 போட்டி இன்று நடைபெறவுள்ளது.
தென்னாப்பிரிக்க கிரிக்கெட் அணி இந்தியாவிற்கு சுற்றுப்பயணம் வந்துள்ளது. இந்தப் பயணத்தில் டி20 மற்றும் டெஸ்ட் தொடரில் அந்த அணி விளையாடவுள்ளது. தற்போது 3 போட்டிகள் கொண்ட டி20 தொடர் நடைபெற்று வருகிறது. கடந்த 15ஆம் தேதி தர்மசாலாவில் நடைபெறவிருந்த முதல் டி20 போட்டி மழையால் ரத்து செய்யப்பட்டது.
இந்நிலையில் இன்று இரண்டாவது டி20 போட்டி மொஹாலியில் உள்ள மைதானத்தில் நடைபெறவுள்ளது. கடந்த போட்டியில் மழை சொதப்பிய நிலையில், இன்றைய போட்டியில் மழை குறுக்கீடு எதுவும் இருக்காது என கூறப்பட்டுள்ளது. இந்திய நேரப்படி இரவு 7 மணிக்கு போட்டி தொடங்கவுள்ளது. முதல் போட்டி ரத்தான நிலையில் இன்றைய போட்டியை வெல்ல வேண்டும் என்ற முனைப்பில் இரு அணிகளும் உள்ளன.
