இந்தியா மற்றும் இலங்கை அணிகள் பெங்களூரு நகரில் பகல் இரவு டெஸ்ட் போட்டியில் விளையாடி வருகின்றன. இந்த போட்டியின் மூன்றாம் நாள் தேநீர் இடைவேளையின் போது இலங்கை அணி 151 ரன்கள் எடுத்து 4 விக்கெட்டுகளை இழந்துள்ளது. அந்த அணி 447 ரன்கள் எடுத்தால் வெற்றி என்ற இலக்கை விரட்டி வருகிறது.
திரிமன்னே, குசல் மென்டீஸ், மேத்யூஸ், தனஞ்செய டி சில்வா என நான்கு பேட்ஸ்மேன்கள் தங்களது விக்கெட்டுகளை இழந்துள்ளனர். இந்திய அணி சார்பில் அஷ்வின் 2 விக்கெட்டுகளும், பும்ரா மற்றும் ஜடேஜா தலா ஒரு விக்கெட்டுகளும் கைப்பற்றியுள்ளனர்.
இந்த போட்டியில் இலங்கை அணி வெற்றி பெற 296 ரன்கள் எடுத்தாக வேண்டும். அதே நேரத்தில் இந்திய அணியின் வெற்றிக்கு ஆறு விக்கெட்டுகள் மட்டுமே தேவைப்படுகிறது.
