சார்ஜாவில் நடைபெற்ற போட்டியில் டாஸ் வென்று முதலில் பேட்டிங் செய்த ஆப்கானிஸ்தான் 4 விக்கெட்கள் இழப்புக்கு 190 ரன்கள் குவித்தது. கடைசி நேரத்தில் அதிரடியாக விளையாடிய நஜிபுல்லா 59 ரன்கள் எடுத்தார். அடுத்து களமிறங்கிய ஸ்காட்லாந்து அணி தொடக்கத்தில் சிறப்பாக விளையாடி 3 ஓவர்களில் 28 ரன்கள் சேர்த்தது. ஆனால் 4ஆவது ஓவரை வீசவந்த முஜிபுர் ரகுமான் தொடக்க வீரர் உள்பட 3 விக்கெட்களை அதே ஓவரில் சாய்த்தார்.