பாகிஸ்தான் கிரிக்கெட் வீரர் முகமது ஹபீஸின் பந்துவீச்சு சந்தேகம் அளிக்கும் வகையில் இருப்பதாக மீண்டும் புகார் கூறப்பட்டுள்ளது.
பாகிஸ்தான் கிரிக்கெட் வீரர் முகமது ஹபீஸ். 37 வயது ஆல்ரவுண்டரான இவர், சுழற்பந்து வீசக்கூடியவர். இலங்கைக்கு எதிராக அபுதாபியில் நடந்த 3-வது ஒரு நாள் போட்டியின் போது, அவர் ஒரு விக்கெட் எடுத்தார். இந் நிலையில் அவரது பந்து வீச்சு சந்தேகம் அளிக்கும் வகையில் இருப்பதாக நடுவர்கள், போட்டி நடுவரிடம் புகார் தெரிவித்துள்ளனர். ஏற்கனவே அவர் 2 முறை இத்தகைய சர்ச்சையில் சிக்கியிருந்தார். 2014-ல் நியூசிலாந்துக்கு எதிரான போட்டியில் பந்துவீச அனுமதி மறுக்கப்பட்டார். ஆஸ்திரேலியாவுக்கு எதிரான போட்டியிலும் சர்ச்சையில் சிக்கினார். இப்போது கொடுக்கப்பட்ட புகாரை அடுத்து, ஹபீஸ் அடுத்த 14 நாட்களில் பந்து வீச்சு பரிசோதனைக்குச் செல்ல வேண்டும்.
