தென் ஆப்பிரிக்காவுக்கு எதிராக சதம் அடித்த முதல் வங்கதேச வீரர்

தென்னாப்பிரிக்க அணிக்கு எதிரான ஒரு நாள் கிரிக்கெட்  போட்டியில் வங்கதேச வீரர் முஷ்ஃபிகுர் ரஹீம்  தனது சதத்தை பதிவு செய்துள்ளார்.

தென்னாப்பிரிக்காவில் சுற்றுப்பயணம் மேற்கொண்டுள்ள வங்கதேச அணி, 3 போட்டிகள் கொண்ட ஒரு நாள் தொடரில் விளையாடுகிறது. இன்று நடைபெற்று வரும் முதலாவது ஒரு நாள் போட்டியில் டாஸ் வென்ற வங்கதேச அணி 50 ஓவர் முடிவில் 7 விக்கெட் இழப்புக்கு 278 ரன்கள் எடுத்தது. அந்த அணியில் அதிகபட்சமாக  முஷ்ஃபிகுர் ரஹீம் 110 ரன்கள் எடுத்து ஆட்டமிழக்காமல் இருந்தார்.  தென்னாப்பிரிக்க தரப்பில் ரபாடா 4 விக்கெட்டுகளை கைப்பற்றினார். சர்வதேச ஒருநாள் கிரிக்கெட் போட்டியில்  வங்கதேச வீரர் ஒருவர்  தென் ஆப்பிரிக்க அணிக்கு எதிராக பதிவு செய்த முதல் சதம் இதுவாகும். 279 ரன்கள் எடுத்தால் வெற்றி என்ற இலக்குடன் தென் ஆப்பிரிக்க அணி விளையாடி வருகிறது.