கில்லுக்கு செல்கிறதா t20 கேப்டன் பொறுப்பு? என்ன சொல்கிறார் சூர்யகுமார் யாதவ்?

2025 சாம்பியன்ஸ் டிராபியை வென்றுகொடுத்த ரோகித் சர்மா, இந்திய கிரிக்கெட் அணியின் டெஸ்ட் மற்றும் ஒருநாள் கேப்டன் பதவியிலிருந்து விலகிய பிறகு, டெஸ்ட் மற்றும் ஒருநாள் இரண்டு வடிவத்திற்கும் சுப்மன் கில் கேப்டனாக இருந்துவருகிறார்..

2024 டி20 உலகக்கோப்பை வென்ற பிறகு இந்திய டி20 அணியின் கேப்டனாக சூர்யகுமார் இருந்துவரும் நிலையில், சுப்மன் கில்லை 3 வடிவத்திற்கும் கேப்டனாக்கும் முயற்சியில் இந்திய அணியின் தேர்வுக்குழு இருந்துவருகிறது..

2026 டி20 உலகக்கோப்பை வெல்வதை குறிக்கோளாக கொண்டு சிறப்பாக கேப்டன்சி செய்துவரும் சூர்யகுமார் யாதவ், சுப்மன் கில்லிடம் டி20 கேப்டன்சி பறிபோகும் என்ற பயம் இருகிறதா என்ற கேள்விக்கு பதிலளித்துப் பேசியிருக்கிறார்.

சுப்மன் கில்லிடம் டி20 கேப்டன்சி செல்லும் என்ற பயம் உள்ளதா என்ற கேள்விக்கு பதிலளித்திருக்கும் சூர்யகுமார் யாதவ், ”அந்த பயத்தை நான் எப்போதோ விட்டுவிட்டேன், அவருக்கும் எனக்கும் இடையேயான நட்பு அற்புதமாக இருக்கிறது.. அவர் எப்படிப்பட்ட வீரர் மற்றும் மனிதர் என்பது எனக்கு நன்றாக தெரியும்.. அதனால் என்னால் என்ன செய்யமுடியும் என்பதில் நான் தெளிவாக இருக்கிறேன்.. மேலும் அவருடைய வளர்ச்சியில் நான் மகிழ்கிறேன்.. அவர் சிறப்பாக செயல்பட்டு வருகிறார்” என்று பேசியுள்ளார்.

மேலும் தன்னை பவுலர்களின் கேப்டன் என குறிப்பிட்ட சூர்யா, “போட்டியில் அழுத்தமான நேரங்களில் கூட நான் நிதானமாக இருக்கிறேன், ஃபீல்டிங்கின் போது பந்துவீச்சாளர்களிடம் புன்னகைக்கிறேன். பவுலர்கள் தங்களுடைய கருத்தை சொல்லவேண்டும், ஏனென்றால் அழுத்தமான நேரங்களில் அவர்கள் மனதில் நிறைய ஓடிக்கொண்டிருக்கும், நாம் அவற்றை காதுகொடுத்து கேட்க வேண்டும்.. ஒவ்வொருவரும் வித்தியாசனமான அனுபவங்களை கொண்டுவருகிறார்கள், அணி சிறப்பாக இருக்கிறது” என்று பேசியுள்ளார்..