2025 ஐபிஎல் போட்டி அட்டவணை வெளியீடு.. முதலிரண்டு போட்டியில் MI, RCB அணிகளை எதிர்கொள்ளும் CSK!

உலக கிரிக்கெட்டில் பணக்கார பிரான்சைஸ் டி20 லீக் தொடராக ஜொலித்து வரும் இந்தியன் பிரீமியர் லீக் தொடரானது அதன் 18வது பதிப்பை எட்டியுள்ளது.

நடந்து முடிந்துள்ள 17 பதிப்புகளில்.

மும்பை இந்தியன்ஸ் மற்றும் சென்னை சூப்பர் கிங்ஸ் அணிகள் - தலா 5 முறையும்,

கொல்கத்தா நைட் ரைடர்ஸ் - 3 முறையும்,

ராஜஸ்தான் ராயல்ஸ், டெக்கான் சார்ஜர்ஸ், சன்ரைசர்ஸ் ஹைத்ராபாத், குஜராத் டைட்டன்ஸ் - தலா ஒரு முறையும்

என கோப்பைகளை வென்று அசத்தியுள்ளன.

இந்நிலையில், 18வது சீசனான 2025 ஐபிஎல் தொடரானது வரும் மார்ச் 22-ம் தேதி முதல் தொடங்கி நடைபெறவிருப்பதாக பிசிசிஐ முழு அட்டவணையை வெளியிட்டுள்ளது.

ஐபிஎல் தொடரின் 18வது சீசனானது வரும் மார்ச் 22-ம் தேதி முதல் தொடங்கி, மே 25-ம் தேதிவரை நடைபெறவிருப்பதாக அதிகாரப்பூர்வமாக தெரிவிக்கப்பட்டுள்ளது.

மொத்தம் 10 அணிகளுக்கு இடையே 74 போட்டிகள், 13 மைதானங்களில் நடைபெறவிருக்கின்றன. இதில் 13 டபுள்-ஹெட்டர் போட்டிகளும் அடங்கும்.

முதல் போட்டியில் நடப்பு சாம்பியன் அணியான கொல்கத்தா நைட் ரைடர்ஸ் அணி, ராயல் சேலஞ்சர்ஸ் பெங்களூரு அணியை கொல்கத்தா ஆடுகளத்தில் சந்திக்கிறது.

மறுநாளில் மார்ச் 23-ம் தேதி மிகப்பெரிய போட்டியில் மும்பை இந்தியன்ஸ் மற்றும் சென்னை சூப்பர் கிங்ஸ் அணிகள் தங்களுடைய முதல் போட்டியில் சேப்பாக்கத்தில் மோதுகின்றன. அதைத்தொடர்ந்து மாரச் 28-ம் தேதி மற்றொரு பெரிய ரைவல்ரி போட்டியாக சிஎஸ்கே மற்றும் ஆர்சிபி அணிகள் சென்னையில் மோதவிருக்கின்றன.

2025 ஐபிஎல் நாக்அவுட் போட்டிகள்:

* குவாலிஃபையர் 1 - மே 20-ம் தேதி - ஹைதராபாத்

* எலிமினேட்டர் - மே 21-ம் தேதி - ஹைதராபாத்

* குவாலிஃபையர் 2 - மே 23-ம் தேதி - கொல்கத்தா

* இறுதிப்போட்டி - மே 25-ம் தேதி - கொல்கத்தா

ஹோம் போட்டிகள்:

சிஎஸ்கே vs மும்பை - மார்ச் 23 - சென்னை

சிஎஸ்கே vs ஆசிபி - மார்ச் 28 - சென்னை

சிஎஸ்கே vs ராஜஸ்தான் - மார்ச் 30 - குவஹாத்தி

சிஎஸ்கே vs டெல்லி - ஏப்ரல் 5 - சென்னை

சிஎஸ்கே vs பஞ்சாப் - ஏப்ரல் 8 - சண்டிகர்

சிஎஸ்கே vs கொல்கத்தா - ஏப்ரல் 11 - சென்னை

சிஎஸ்கே vs லக்னோ - ஏப்ரல் 14 - லக்னோ

சிஎஸ்கே vs மும்பை - ஏப்ரல் 20 - மும்பை

சிஎஸ்கே vs சன்ரைசர்ஸ் - ஏப்ரல் 25 - சென்னை

சிஎஸ்கே vs பஞ்சாப் - ஏப்ரல் 30 - சென்னை

சிஎஸ்கே vs ஆர்சிபி - மே 3 - பெங்களூரு

சிஎஸ்கே vs கொல்கத்தா - மே 7 - கொல்கத்தா

சிஎஸ்கே vs ராஜஸ்தான் - மே 12 - சென்னை

சிஎஸ்கே vs குஜராத் - மே 18 - அகமதாபாத்