கேப்டனாக கோலி! உலகக்கோப்பையின் சிறந்த Playing 11-ஐ அறிவித்த கிரிக்கெட் ஆஸ்திரேலியா - இவர் இல்லையா?

2023 உலகக்கோப்பை தொடரின் லீக் போட்டிகள் அனைத்தும் முடிவடைந்துள்ள நிலையில், இந்தியா, தென்னாப்பிரிக்கா, ஆஸ்திரேலியா மற்றும் நியூசிலாந்து அணிகள் அரையிறுதிக்கு முன்னேறி அசத்தியுள்ளன. ஆஸ்திரேலியா மற்றும் தென்னாப்பிக்கா அணிகள் தலா 2 போட்டிகளில் தோல்வியும், நியூசிலாந்து 4 போட்டிகளில் தோல்வியும் சந்தித்திருக்கும் நிலையில், இந்திய அணி ஒரு போட்டியில் கூட தோல்வியை சந்திக்காமல் 9-0 என ஆதிக்கம் செலுத்திவருகிறது.

இந்நிலையில் லீக் போட்டி முடிந்ததும் கிரிக்கெட் ஆஸ்திரேலியா அறிவித்திருக்கும் தொடரின் சிறந்த அணியில் 4 இந்திய வீரர்கள் இடம்பிடித்து அசத்தியுள்ளனர். இதன்மூலம் நடப்பு உலகக்கோப்பையில் இந்திய வீரர்கள் எந்தளவு ஆதிக்கம் செலுத்தியுள்ளனர் என்பது தெரியவருகிறது.

குயின்டன் டி காக் (தென் ஆப்பிரிக்கா): ஒருநாள் கிரிக்கெட்டில் இருந்து ஓய்வை அறிவித்திருக்கும் டிகாக், 9 போட்டிகளில் 65.67 சராசரியுடன் 591 ரன்கள் எடுத்து அசத்திவருகிறார். ஒரு தென்னாப்பிரிக்க வீரராக அதிக உலகக்கோப்பை (4) சதங்கள் அடித்திருக்கும் டிகாக், அதிகபட்ச ஸ்கோராக 174 அடித்துள்ளார்.

டேவிட் வார்னர் (ஆஸ்திரேலியா): மீண்டும் தன்னுடைய பிரைம் ஃபார்முக்கு திரும்பியிருக்கும் வார்னர் தொடக்க வீரராக கலக்கிவருகிறார். 9 போட்டிகளில் 55.44 சராசரி மற்றும் 105.5 ஸ்ட்ரைக் ரேட்டுடன் 499 ரன்கள் எடுத்துள்ளார். 2 சதங்கள் மற்றும் 2 அரைசதங்கள் அடித்திருக்கும் வார்னரின் அதிகபட்ச ஸ்கோர் 163 ஆகும்.

ரச்சின் ரவீந்திரா (நியூசிலாந்து): 23 வயதான நியூசிலாந்து இளம் வீரர் ரச்சின் ரவிந்திரா சச்சினின் உலக சாதனைகளை முறியடித்து ஒரு கனவு உலகக்கோப்பையில் மிளிர்ந்து வருகிறார். இந்த இளம்புயல் 9 போட்டிகளில் 70.63 ஸ்ட்ரைக் ரேட்டில் 565 ரன்கள் குவித்துள்ளார். லீக் முடிவில் 3 சதம் மற்றும் 2 அரை சதங்களையும் அடித்திருக்கும் ரச்சின், 5.68 என்ற எகானமி விகிதத்தில் 5 விக்கெட்டுகளையும் கைப்பற்றி அசத்தியுள்ளார்.

விராட் கோலி (கேப்டன்): 99.00 சராசரியுடன் 594 ரன்கள் குவித்திருக்கும் கிங் கோலி, இதுவரை 2 சதங்கள் மற்றும் 5 அரைசதங்கள் அடித்துள்ளார். நடப்பு உலகக்கோப்பையில் அதிக ரன்கள் அடித்த வீரராகவும் முதலிடத்தில் நீடிக்கிறார்.

எய்டன் மார்க்ரம் (தென்னாப்பிரிக்கா): சில போட்டிகளில் தென்னாப்பிரிக்காவை வழிநடத்திய மார்க்ரம், 49.50 சராசரி மற்றும் 114.50 ஸ்ட்ரைக் ரேட்டில் 396 ரன்கள் எடுத்துள்ளார். ஒரு சதம் மற்றும் 3 அரைசதங்கள் அடித்துள்ளார்.

கிளென் மேக்ஸ்வெல் (ஆஸ்திரேலியா): ஆஸ்திரேலிய ஆல்ரவுண்டர் உலகக் கோப்பை வரலாற்றில் தனது இடத்தை சில நேர்த்தியான ஆட்டங்களால் உறுதிப்படுத்தியுள்ளார். 7 போட்டிகளில் 152.7 ஸ்ட்ரைக் ரேட்டில் 397 ரன்கள் குவித்திருக்கும் மேக்ஸ்வெல், தன்னுடைய பெயரில் ஒரு இரட்டை சதத்தையும் எழுதியுள்ளார். அதுமட்டுமில்லாமல் பந்து வீச்சில் 4.95 என்ற எகானமி விகிதத்தில் 5 விக்கெட்டுகளையும் கைப்பற்றியுள்ளார்.

மார்கோ யான்சன் (தென்னாப்பிரிக்கா): நடப்பு உலகக்கோப்பையின் சிறந்த ஆல்ரவுண்டராக கண்டுபிடிக்கப்பட்டிருக்கும் யான்சன், 8 போட்டிகளில் 111.3 ஸ்ட்ரைக் ரேட்டில் ஒரு அரைசதத்துடன் 157 ரன்கள் எடுத்துள்ளார். மேலும் பந்து வீச்சில் 6.40 என்ற எகானமி ரேட்டில் 17 விக்கெட்டுகளை வீழ்த்தி அசத்தியுள்ளார்.

ரவீந்திர ஜடேஜா (இந்தியா): இந்திய ஆல்ரவுண்டர் 9 போட்டிகளில் 115.6 ஸ்ட்ரைக் ரேட்டுடன் 111 ரன்கள் எடுத்துள்ளார். பந்து வீச்சில் 16 விக்கெட்டுகளை கைப்பற்றியிருக்கும் ஜடேஜா, 3.96 என்ற ஈர்க்கக்கூடிய பொருளாதார விகிதத்தில் கலக்கி வருகிறார்.

முகமது ஷமி (இந்தியா): 5 போட்டிகளில் மட்டுமே விளையாடியிருந்தாலும், இந்த உலகக் கோப்பையில் 4.78 என்ற பொருளாதார விகிதத்தில் ஷமி 16 விக்கெட்டுகளை வீழ்த்தியுள்ளார். நடப்பு உலகக்கோப்பை தொடரில் இரண்டு முறை 5 விக்கெட்டுகளை வீழ்த்திய ஒரே வீரராக வலும்வருகிறார்.

ஆடம் ஜம்பா (ஆஸ்திரேலியா): ஆஸி. ஸ்பின்னர் 9 போட்டிகளில் 22 விக்கெட்டுகளுடன் அதிக விக்கெட்டுகள் வீழ்த்திய பவுலராக மாறி, அடுத்த ஆஸ்திரேலிய உலகக் கோப்பைக்கு தீ வைத்துள்ளார். அவர் இதுவரை 5.27 என்ற சிறந்த பொருளாதார வீதத்தையும் பெற்றுள்ளார்.

ஜஸ்பிரித் பும்ரா (இந்தியா): 17 விக்கெட்டுகளுடன் அதிக விக்கெட்டுகள் வீழ்த்தியவர்கள் வரிசையில் இருக்கும் பும்ரா, 3.65 என்ற எகானமி ரேட்டில் சிறப்பான பந்துவீச்சை வெளிப்படுத்தியுள்ளார்.

தில்ஷன் மதுஷங்க (இலங்கை): இந்தப் பட்டியலில் 12வது வீரராக இருக்கும் மதுஷங்கா, 9 போட்டிகளில் 21 விக்கெட்டுகளை வீழ்த்தி அசத்தியுள்ளார். அரையிறுதிக்கு தகுதி பெறாத இலங்கை அணியில் தரமான தாக்குதலை வெளிப்படுத்திய ஒரே வீரர்.