டி20 உலகக்கோப்பை போட்டியில் விளையாடும் இந்திய அணிக்கு புதிய ஜெர்ஸி அறிமுகம்

டி20 ஓவர் உலகக்கோப்பை கிரிக்கெட் தொடர் போட்டிகளில் விளையாட உள்ள இந்திய அணியின் ஜெர்ஸி மாற்றப்பட்டுள்ளது.

கொரோனா காரணமாக ஒத்திவைக்கப்பட்ட 20- ஓவர் உலகக்கோப்பை கிரிக்கெட் தொடர், ஐக்கிய அரபு அமீரகம் மற்றும் ஓமனில் அக்டோபர் 17-ம் தேதி முதல் நடைபெறவுள்ளது. இந்திய அணி அணிந்து ஆட உள்ள புதிய சீருடையை பிசிசிஐ இன்று அறிமுகம் செய்துள்ளது.

20 ஓவர் உலக கோப்பை கிரிக்கெட் தொடரின் முதல்போட்டியாக வருகிற 24-ந்தேதி பாகிஸ்தானுடன் களம் காண்கிறது இந்திய அணி. அக்டோபர் 17-ந்தேதி உலகக்கோப்பை தொடங்கி நவம்பர் 14-ந்தேதி வரை நடைபெற இருப்பது குறிப்பிடத்தக்கது.