ஆஸ்திரேலிய கிரிக்கெட் அணியின் தொடக்க வீரர் டேவிட் வார்னர் சமூக வலைத்தள பக்கங்களில் இந்திய திரை பாடல்களுக்கு ஷார்ட் வீடியோ அப்ளிகேஷன்களில் நடனம் ஆடி அசத்துவது வழக்கம். அதற்கென அவருக்கு பிரத்யேக ரசிகர் கூட்டமும் வார்னரை பின்தொடருவது உண்டு.
இந்நிலையில், நேற்று ஷாருக்கான் நடித்த டான்2 படத்தின் சண்டைக்காட்சிகளை இன்ஸ்ட்டாகிராம் பக்கத்தில் பகிர்ந்திருந்தார் வார்னர். அதில் ஷாருக்கானின் முகத்தை முற்றிலும் தனது முகமாக FACE அப்ளிகேஷன் மூலமாக மாற்றி அசத்தியிருந்தார். “இதில் உள்ள வன்முறைக்காக என்னை மன்னிக்கவும். ஆனால் இதை செய்வேன் என நானே நினைத்ததில்லை” என கேப்ஷன் போட்டு வார்னர் பகிர்ந்துள்ளார்.
சுமார் 12 லட்சத்திற்கும் மேற்பட்டவர்கள் இந்த வீடியோவை இதுவரை பார்த்துள்ளனர். மேலும் இதற்கு லைக்குகளையும், கமெண்டுகளையும் ரசிகர்கள் அள்ளி தெளித்து வருகின்றனர். வார்னர் இந்தியாவுடனான இரண்டாவது டெஸ்டில் விளையாடவில்லை என்பதும் குறிப்பிடத்தக்கது.
