இந்த வாரம் பாகிஸ்தான் கிரிக்கெட் அணிக்கு சோதனையாக அமைந்துள்ளது. முதலில் நியூசிலாந்து அணி, பாகிஸ்தான் சுற்றுப்பயணத்தை ரத்து செய்தது. இப்போது இங்கிலாந்தும் அந்த வரிசையில் இணைந்துள்ளது. அதற்கு முன்னாள் கிரிக்கெட் வீரர்கள், ரசிகர்கள் என பலரும் தங்களது கண்டனங்களை பதிவு செய்து வருகின்றனர். அந்த வகையில், இந்திய அணியின் முன்னாள் கிரிக்கெட் வீரர் வாசிம் ஜாபர் தனது கண்டங்களை ட்வீட் மூலம் தெரிவித்திருந்தார்.
“கடந்த ஆண்டு கொரோனா தொற்றுக்கு எதிரான தடுப்பு மருந்து கண்டறியப்படாத சூழலில் தான் வெஸ்ட் இண்டீஸ் மற்றும் பாகிஸ்தான் அணிகள் இங்கிலாந்தில் சுற்றுபயணம் மேற்கொண்டு கிரிக்கெட் விளையாடி இருந்தன. அதனால் இங்கிலாந்து கிரிக்கெட் அந்த இரு அணிகளுக்கு மிகவும் கடமைப்பட்டுள்ளது. குறைந்தபட்சம் இந்த தொடரை இங்கிலாந்து ரத்து செய்யாமல் இருந்திருக்காலம்” என சொல்லி இருந்தார் வாசிம் ஜாபர்.
“இந்தியா - பாகிஸ்தான் இடையிலான மோதலில் ‘கேம் ஸ்பிரிட்’ என சொல்லிக் கொண்டு சகோதரர் வாசிம் ஜாபர் பாகிஸ்தான் ஆதரிப்பவர்” என நெட்டிசன் ஒருவர், ஜாபரை சாடினார்.
அதற்கு ரியாக்ஷன் செய்யும் வகையில் ஜாபர், 2007 கொல்கத்தா டெஸ்டில் இந்திய அணிக்காக பாகிஸ்தானுக்கு எதிராக அவர் பதிவு செய்தி இரட்டை சத்தின் ஸ்கோர் போர்டை பகிர்ந்திருந்தார். அதற்கு ரசிகர்கள் பலரும் அவருக்கு ஆதரவு தெரிவித்துள்ளனர்.
