இந்திய டெஸ்ட் கிரிக்கெட் அணிக்கு கேப்டனாக ரஹானேவை நியமித்துள்ளது பிசிசிஐ. இந்திய அணி ஆப்கானிஸ்தானுடன் ஒரே ஒரு டெஸ்ட் போட்டியில் விளையாடவுள்ளது. அந்தப் போட்டியிலிருந்து தனக்கு ஓய்வு அளிக்க வேண்டும் என விராத் கோலி விரும்பியதால் ரஹானே கேப்டனாக நியமிக்கப்பட்டுள்ளார். ஆப்கானிஸ்தான் கிரிக்கெட் அணிக்கு டெஸ்ட் அந்தஸ்து கடந்தாண்டு கிடைத்தது.
இதனையடுத்து அப்கானிஸ்தான் அணி தனது முதல் டெஸ்ட் கிரிக்கெட் போட்டியை விளையாடவுள்ளது. இந்திய அணியுடனான தனது முதல் போட்டி பெங்களூர் சின்னசாமி மைதானத்தில் ஜூன் 14 முதல் ஜூன் 18 ஆம் தேதி வரை நடைபெறுகிறது. இந்திய அணிக்கு கருண் நாயர் மற்றும் உமேஷ் யாதவ் ஆகியோர் வெகுநாட்களுக்கு பிறகு மீண்டும் இணைந்துள்ளனர்.
டெஸ்ட் அணியின் விவரம்: ரஹானே, ஷிகர் தவாண், முரளி விஜய், கே.எல்.ராகுல், புஜாரா, கருண் நாயர். சாஹா, அஸ்வின், ஜடேஜா, குல்தீப் யாதவ், உமேஷ் யாதவ், முகமது ஷமி, ஹர்திக் பாண்டியா, இஷாந்த் சர்மா மற்றும் ஷர்துல் தாக்குர்.
