ஜூலை 24, 2025 | இந்த ராசிக்கு வாழ்க்கையில் புதிய அத்தியாயம் பிறக்குமாம்.. இன்றைய ராசிபலன்கள்..!

மேஷம் ராசி அன்பர்களே! கணவன், மனைவிக்கு இடையே இருந்த வேறுபாடுகள் மறையும். இழுபறியான சில பணிகளை செய்து முடிப்பீர்கள். எதிர்பார்த்த சில உதவிகள் சாதகமாகும். வியாபாரத்தில் சில நுட்பங்களை புரிந்து கொள்வீர்கள். தேவைகளை நிறைவேற்றிக் கொள்வதற்கான தருணங்கள் உருவாகும். சில அனுபவங்கள் மூலம் வாழ்க்கையில் புதிய அத்தியாயம் பிறக்கும். திடம் நிறைந்த நாள்.

ரிஷபம் ராசி அன்பர்களே! குடும்ப உறுப்பினர்களிடத்தில் அனுசரித்து செல்லவும். திறமைகளை வெளிப்படுத்த வாய்ப்புகள் கிடைக்கும். சக ஊழியர்கள் இடத்தில் விட்டுக் கொடுத்து செல்லவும். வருமான உயர்வு குறித்த எண்ணங்கள் மேம்படும். நண்பர்கள் பற்றிய புரிதல்கள் அதிகரிக்கும். வர்த்தக பணிகளில் விவேகம் வேண்டும். பழைய சிந்தனைகள் மூலம் செயல்களில் ஒருவித தடுமாற்றம் ஏற்படும். நிறைவு நிறைந்த நாள்.

மிதுனம் ராசி அன்பர்களே! வாகன பழுதுகளை சீர் செய்வீர்கள். ஜாமீன் விஷயங்களில் சிந்தித்து செயல்படவும். தோற்றப்பொலிவில் மாற்றம் உண்டாகும். வியாபார பாக்கியங்களை பொறுமையுடன் வசூலிக்கவும். தனிப்பட்ட விஷயங்களை பகிர்வதை தவிர்க்கவும். உத்தியோகத்தில் இருந்த சில சிக்கல்கள் நீங்கும். ஆர்வம் மேம்படும் நாள்.

கடகம் ராசி அன்பர்களே! தொண்டு நிறுவன பணிகளில் முன்னேற்றம் ஏற்படும். திறமைகள் மூலம் நினைத்த செயல்களை முடிப்பீர்கள். கலை சார்ந்த பணிகளால் ஆதாயம் உண்டாகும். மனதில் இருந்த குழப்பங்கள் குறையும். உத்தியோக பணிகளில் சாதகமான சூழ்நிலைகள் ஏற்படும். சிந்தனைகளின் தெளிவு உண்டாகும். ஆக்கபூர்வமான நாள்.

சிம்மம் ராசி அன்பர்களே! சிந்தனைப் போக்கில் கவனம் வேண்டும். வித்தியாசமான பொருட்கள் மீது ஆர்வம் ஏற்படும். முத்திரை தொடர்பான துறைகளில் ஆதாயம் அடைவீர்கள். உத்தியோக பணிகளில் உயர்வு ஏற்படும். உற்பத்தி சார்ந்த தொழிலில் சந்தை நிலவரங்களை அறிந்து செயல்படவும். எதிர்பாராத சில பயணங்கள் சாதகமாக அமையும். தன்னம்பிக்கை வேண்டிய நாள்.

கன்னி ராசி அன்பர்களே! மறதி தொடர்பான பிரச்சனைகள் ஏற்பட்டு நீங்கும். விலை உயர்ந்த பொருட்களில் கவனம் வேண்டும். புதிய நபர்களின் அறிமுகங்கள் மூலம் மேன்மை உண்டாகும். வித்தியாசமான சிந்தனைகள் மனதில் ஏற்படும். வெளிவட்டத்தில் புதிய அனுபவங்கள் உருவாகும். வியாபாரம் நிமிர்த்தமான பயணங்கள் அதிகரிக்கும். பணிபுரியும் இடத்தில் சில மாற்றமான தருணங்கள் ஏற்படும். தடை விலகும் நாள்.

துலாம் ராசி அன்பர்களே! பணி நிமித்தமாக எதிர்மறை எண்ணங்கள் தோன்றும். வியாபாரரீதியான மாற்றத்தில் பொறுமை காக்கவும். யாருக்கும் சாட்சி கையெழுத்திட வேண்டாம். நினைத்த சில பணிகளை முடிப்பதில் தாமதம் உண்டாகும். மனதிற்கு நெருக்கமானவர்களால் பொறுப்புகள் அதிகரிக்கும். பிள்ளைகளின் உணர்வுகளைப் புரிந்து செயல்படவும் . விவேகம் வேண்டிய நாள்.

விருச்சிகம் ராசி அன்பர்களே! பலம் மற்றும் பலவீனங்களை புரிந்து கொள்வீர்கள். சகோதர வகையில் ஆதரவு ஏற்படும். ஆடை ஆபரண சேர்க்கை உண்டாகும். சுப காரியம் பேச்சுவார்த்தைகள் சாதகமாக முடியும். வேலையாட்கள் மத்தியில் மதிப்புகள் உயரும். சக ஊழியர்கள் ஆதரவால் திட்டமிட்ட காரியங்கள் நிறைவு பெறும். மனதளவில் புதிய தன்னம்பிக்கை பிறக்கும். வாழ்வு மேம்படும் நாள்.

தனுசு ராசி அன்பர்களே! வியாபாரத்தில் மதிப்புகள் உயரும். குடும்பத்தில் ஒத்துழைப்புகள் கிடைக்கும். சுப முயற்சிகளில் முன்னேற்றம் ஏற்படும். உறவுகள் வழியில் அனுகூலம் உண்டாகும். உடல் ஆரோக்கியம் மேம்படும். நெருக்கடியான சூழல்கள் மாறும். புதிய விஷயங்களில் ஆர்வத்துடன் கலந்து கொள்வீர்கள். அரசு வழியில் எதிர்பார்த்த உதவிகள் கிடைக்கும். பொறுமை வேண்டிய நாள்.

மகரம் ராசி அன்பர்களே! வாக்குறுதிகள் அளிக்கும் போது சிந்தித்து செயல்படவும். உடன் இருப்பவர்களின் சுயரூபங்களை புரிந்து கொள்வீர்கள். வியாபார பணிகளில் அலைச்சல்கள் உண்டாகும். நீண்ட நாள் பிரார்த்தனைகளை நிறைவேற்றுவீர்கள். சக ஊழியர்களிடம் விவாதங்கள் ஏற்பட்டு நீங்கும். புதுமையான விஷயங்களில் ஆர்வம் ஏற்படும். பரிவு வேண்டிய நாள்.

கும்பம் ராசி அன்பர்களே! தடையாக இருந்தவர்கள் விலகி செல்வார்கள். குழந்தைகள் வழியில் சுப விரயங்கள் ஏற்படும். பழைய கடன்களை முடிப்பீர்கள். வியாபாரத்தில் சில சலுகைகளால் ஆதாயம் ஏற்படும். மறைமுகமான சூழ்ச்சிகளை வெற்றி கொள்வீர்கள். ஆரோக்கியம் சார்ந்த கவலைகள் ஏற்பட்டு நீங்கும். கால்நடை வியாபாரத்தில் நாட்டம் ஏற்படும். பக்தி நிறைந்த நாள்.

மீனம் ராசி அன்பர்களே! பேச்சுத் திறமையில் காரிய அனுகூலம் ஏற்படும். உடன் பிறந்தவர்களால் ஆதாயம் ஏற்படும். வீடு வாகனப் பழுதுகளை சரி செய்வீர்கள். அரசு விஷயங்களில் பொறுமை வேண்டும். சுப காரியங்களை முன்னின்று நடத்துவீர்கள். வியாபாரத்தில் புதிய வியூகங்களை உருவாக்குவீர்கள். உயர் அதிகாரிகளிடத்தில் மதிப்புகள் உயரும். சோர்வு மறையும் நாள்.

24:7:2025. மங்களகரமான விசுவாவசு வருடம் ஆடி மாதம் 8 ந் தேதி வியாழக்கிழமை. நாள் முழுவதும் அமாவாசை திதி

1. நட்சத்திரம்: இன்று மாலை 6:11 மணி வரை புனர்பூசம் நட்சத்திரம் பிறகு பூசம்

2. ராகு காலம் : மதியம் 1:30 மணி முதல் 3 மணி வரை.

3. எமகண்டம் காலை 6 மணி முதல் 7:30 மணி வரை.

4. குளிகை காலை 9மணி முதல்10:30 மணி வரை

5. நல்ல நேரம்: காலை 10:45 மணி முதல் 11:45மணி வரை

6. சூலம் தெற்கு

7. யோகம் : காலை 6 மணி அமிர்த யோகம்

8. சந்திராஷ்டமம் : மாலை 6:11 மணி வரை கேட்டை பிறகு மூலம்