கரூர் துயர சம்பவம் | தீர்ப்பளித்த உச்ச நீதிமன்றம்.. யார் இந்த நீதிபதிகள்?

1961ம் ஆண்டு ஜூன் 29ம் தேதி மத்திய பிரதேச மாநிலம் மொரேனா மாவட்டத்தில் உள்ள ஜூரா என்ற சிறிய நகரில் பிறந்தவர். 1982 ஆம் ஆண்டில், குவாலியரில் உள்ள பொதுப் பல்கலைக்கழகமான சிவாஜி பல்கலைக்கழகத்தில் இளங்கலை பட்டம் பெற்றார். பின்பு அங்கேயே தனது சட்டக் கல்வியைத் தொடர்ந்தார்.1985 இல் எல்.எல்.பி பட்டம் பெற்ற அவர் 1991 இல் எல்.எல்.எம். பட்டமும் பெற்றார். தொடர்ந்து நவம்பர் 22, 1985 அன்று மத்தியப் பிரதேச மாநில பார் கவுன்சிலில் தன்னை இணைத்துக்கொண்டார். மத்தியப் பிரதேச உயர் நீதிமன்றத்தின் குவாலியர் பெஞ்சில் அவர் பெற்ற பயிற்சி, சிவில், குற்றவியல், அரசியலமைப்பு, சேவை மற்றும் வரி ஆகியவைற்றைச் சுற்றியே இருந்தது.

மத்திய நிர்வாகத் தீர்ப்பாயத்தின் ஜபல்பூர் பெஞ்சிலும் அவர் தொடர்ந்து வாதிட்டார். பின்னர் 2002 ஆம் ஆண்டில், மத்தியப் பிரதேச மாநில பார் கவுன்சிலின் உறுப்பினரானார். குவாலியர் பெஞ்சில் உள்ள மாநில பார் கவுன்சிலின் ஒழுங்குமுறைக் குழுவின் தலைவராகவும் அவர் பதவி வகித்தார். பின்னர் நவம்பர் 25, 2005ம் ஆண்டு மத்தியப் பிரதேச உயர் நீதிமன்றத்தின் கூடுதல் நீதிபதியானார். மூன்று ஆண்டுகளுக்குப் பிறகு, நவம்பர் 25, 2008 அன்று, நிரந்தர நீதிபதியானார். அந்த காலகட்டத்தில் உயர் நீதித்துறை சேவைகளில் பணியாற்றிய நிர்வாகக் குழு எண் 1 போன்ற பல்வேறு உயர் நீதிமன்றக் குழுக்களில் அவர் பொறுப்புகளை வகித்தார். கட்டிடக் கட்டுமானம் மற்றும் பராமரிப்புக்கான கட்டிடக் குழு, நிதிக் குழு மற்றும் சிறார் நீதிக் குழுவின் தலைவராகவும் பதவி வகித்தார்.

மத்தியப் பிரதேச உயர் நீதிமன்றத்தில் கிட்டத்தட்ட 14 ஆண்டுகள் பணியாற்றிய பிறகு, அக்டோபர் 7, 2019 அன்று, புதிதாக உருவாக்கப்பட்ட ஆந்திரப் பிரதேச உயர் நீதிமன்றத்தின் முதல் தலைமை நீதிபதியாக நீதிபதி மகேஸ்வரி நியமிக்கப்பட்டார். உயர் நீதிமன்றத்தின் ஆரம்ப ஆண்டுகளில் நீதிபதி மகேஸ்வரியின் தலைமை மிக முக்கியமானது. அவரது மேற்பார்வையின் கீழ், உயர் நீதித்துறை சேவைகள், துணை நீதித்துறை சேவைகள் மற்றும் பாலின உணர்திறன் ஆகியவற்றிற்கான விதிகளை வரைவதற்கு உயர் நீதிமன்றத்தில் துணைக் குழுக்கள் அமைக்கப்பட்டன. மார்ச் 25, 2020 அன்று, கொரோனா வைரஸ் தொற்றுநோய்களின் போது மெய்நிகர் முறையில் வழக்குகளை விசாரித்த முதல் உயர் நீதிமன்றமாக ஆந்திரப் பிரதேச உயர் நீதிமன்றம் இருந்தது.

தொடர்ச்சியாக ஜனவரி 6, 2021 அன்று, நீதிபதி மகேஸ்வரி சிக்கிம் உயர் நீதிமன்றத்தின் தலைமை நீதிபதியாக மாற்றப்பட்டார். அந்த பணியில் சுமார் எட்டு மாதங்கள் இருந்த அவர் ஆகஸ்ட் 31, 2021 அன்று, அவர் எட்டு நீதிபதிகளுடன் உச்ச நீதிமன்ற நீதிபதியாக நியமிக்கப்பட்டார். மத்தியப் பிரதேச உயர் நீதிமன்றத்தில் நீதிபதியாக இருந்த காலத்தில், நீதிபதி மகேஸ்வரி, இந்தூர் கிளை, குவாலியர் கிளை மற்றும் ஜபல்பூரில் முதன்மை அமர்வு மற்றும் உயர் நீதிமன்றத்தால் அவ்வப்போது நடத்தப்பட்ட லோக் அதாலத்களில் அமர்ந்து 65,000க்கும் மேற்பட்ட வழக்குகளை முடித்து வைத்துள்ளார். சிக்கிம் உயர் நீதிமன்ற வரலாற்றில் உச்ச நீதிமன்ற நீதிபதியாக பதவி உயர்வு பெற்ற முதல் தலைமை நீதிபதி என்ற பெருமையும் இவரை சேரும்.

1965 மார்ச் 23ம் தேதி அகமதாபாத்தில், மாண்ட்வி-கட்ச் என்ற இடத்தில் பிறந்தார். இவரது தாயும் தந்தையும் நீதித்துறையில் வழக்கறிஞர்களாகப் பணியாற்றியவர்கள். அகமதாபாத்தில் உள்ள எச்.எல். வணிகக் கல்லூரியில் இளங்கலைப் பட்டம் பெற்ற அவர் 1988 ஆம் ஆண்டு சர் எல்.ஏ.ஷா சட்டக் கல்லூரியில் எல்.எல்.பி பட்டம் பெற்றார். பின்னர் 1989 ஆம் ஆண்டு அகமதாபாத்தில் உள்ள பல்கலைக்கழக சட்டப் பள்ளியில் சட்டத்தில் முதுகலைப் பட்டமும் பெற்றார். இதனைத் தொடர்ந்து ஆகஸ்ட் 1988 முதல் குஜராத் உயர் நீதிமன்றத்தில் புகழ்பெற்ற மூத்த வழக்கறிஞர் எஸ்.என். ஷெலட்டின் அரையில் சேர்ந்து தனது பயிற்சியைத் தொடங்கினார். நீதிபதி அஞ்சாரியா ஒரு பயிற்சி வழக்கறிஞராக இருந்த காலத்தில், அரசியலமைப்பு பிரச்னைகள் மற்றும் சிவில் வழக்குகள், தொழிலாளர் மற்றும் சேவை சம்பந்தப்பட்ட விஷயங்களை சுற்றியே இவரது பயிற்சிகள் இருந்தன. உயர் நீதிமன்றம் மற்றும் துணை நீதிமன்றங்கள், மாநில தேர்தல் ஆணையம், குஜராத் தகவல் ஆணையம், குஜராத் தொழில்துறை மேம்பாட்டுக் கழகம், நகராட்சிகள் போன்றவற்றிற்கான நிலை ஆலோசகர் / குழு வழக்கறிஞராகவும் நியமிக்கப்பட்டார். மேலும், குஜராத் உயர் நீதிமன்ற மத்தியஸ்த மையத்தில் பயிற்சி பெற்ற மத்தியஸ்தராகவும் இருந்தார்.

23 ஆண்டுகள் தனது சட்ட நிபுணத்துவத்துடன் உயர் நீதிமன்றத்தில் வழக்கறிஞராக பணியாற்றிய பிறகு, நீதிபதி என்.வி. அஞ்சாரியா 2011ம் ஆண்டு குஜராத் உயர் நீதிமன்றத்தின் கூடுதல் நீதிபதியாக பதவி உயர்வு பெற்றார், மேலும் 2013ம் ஆண்டு நிரந்தர நீதிபதியாக பொறுப்பேற்றார். பின்னர் 2024ம் ஆண்டு கர்நாடக உயர் நீதிமன்றத்தின் தலைமை நீதிபதியாகப் பதவியேற்றார். பின்னர் நீதிபதி அஞ்சாரியா கடந்த ஜூன் 30ம் தேதி 2025 அன்று இந்திய உச்ச நீதிமன்ற நீதிபதியாக பதவியேற்றார்.

தற்போது இவர்கள் இருவரும் கரூர் கூட்ட நெரிசலில் 41 பேர் உயிரிழந்த சம்பவத்தில் இடைக்காலத் தீர்ர்ப்பை வழங்கியுள்ளனர்.