மேற்கு வங்கம் & அசாம்: காங்கிரஸின் முதல் வேட்பாளர் பட்டியல் வெளியீடு

மேற்குவங்க சட்டமன்ற தேர்தலில் போட்டியிடும், 13 வேட்பாளர்கள் பெயர்களை உள்ளடக்கிய காங்கிரஸ் வேட்பாளர்களின் முதல் பட்டியல் வெளியிடப்பட்டது, இதேபோல அசாமில் காங்கிரஸ் கட்சி போட்டியிடும் 40 இடங்களுக்கான வேட்பாளர்கள் பட்டியல் வெளியிடப்பட்டுள்ளது.

இந்த முதல் வேட்பாளர் பட்டியலில், 4 முறை எம்.எல்.ஏ.வான காங்கிரஸ் மூத்த தலைவர் நேபால் மகோதா, பாகுமுண்டி தொகுதியிலிருந்து போட்டியிடுகிறார். மேற்கு வங்க தேர்தலில் காங்கிரஸ் மற்றும் இடதுசாரிகள் கூட்டணி அமைத்துள்ள நிலையில், காங்கிரஸ் கட்சி மொத்தமுள்ள 294 இடங்களில், 92 இடங்களில் போட்டியிடுகிறது. இதேபோல அசாமில் காங்கிரஸ் கட்சி போட்டியிடும் 40 இடங்களுக்கான வேட்பாளர்கள் பட்டியல் வெளியிடப்பட்டுள்ளது. மாநிலத் தலைவர் ரிபுன் போரா,கோபூர் தொகுதியில் களம் இறங்குகிறார்.