இன்றைய காலை தலைப்புச் செய்திகள் | தீவிரமடையும் புயல் To தமிழக அரசு விடுத்த எச்சரிக்கை, அறிவிப்புகள்!

தென்மேற்கு வங்கக் கடலில் மணிக்கு 7 கிலோ மீட்டர் வேகத்தில் நகரும் ஃபெஞ்சல் புயல். காரைக்கால் - மாமல்லபுரம் இடையே இன்று பிற்பகல் கரையை கடக்கிறது.

சென்னை, திருவள்ளூர், காஞ்சிபுரம், செங்கல்பட்டு மாவட்டங்களில் பள்ளி, கல்லூரிகளுக்கு இன்று விடுமுறை. கடலூர், மயிலாடுதுறை, விழுப்புரம், கள்ளக்குறிச்சி, ராணிப்பேட்டையிலும் விடுமுறை அறிவிப்பு.

ஃபெஞ்சல் புயல் காரணமாக இன்று நடைபெற இருந்த அம்பேத்கர் சட்டப் பல்கலைக்கழக தேர்வுகள் ஒத்திவைப்பு. மாற்றியமைக்கப்பட்ட தேதிகள் பின்னர் தெரிவிக்கப்படும் என அறிவிப்பு.

பணியாளர்களை இன்று வீட்டில் இருந்தே பணியாற்ற அறிவுறுத்த வேண்டும் என தகவல் தொழில்நுட்ப நிறுவனங்களுக்கு தமிழக அரசு அறிவுறுத்தல்.

புயல் கரையை கடக்கும்போது ஓ.எம். ஆர், ஈ.சி.ஆர் சாலைகளில் பொது போக்குவரத்து தற்காலிகமாக நிறுத்தப்படும் என தமிழக அரசு அறிவிப்பு.

அத்தியாவசிய தேவைகளின்றி வீட்டை விட்டு பொதுமக்கள் வெளியே வர வேண்டாம் என வெளியே வருவதை தவிர்க்க வேண்டும் எனவும் அறிவுறுத்தல்.

புயல் எதிரொலியாக சென்னையில் உள்ள பூங்காக்கள் மூட்டப்பட்டுள்ளது என மாநகராட்சி நிர்வாகம் அறிவிப்பு.

ஃபெஞ்சல் புயல் காரணமாக வண்டலூர் உயிரியல் பூங்கா மூடப்படும் என்ற அறிவிப்பை வெளியிட்டது பூங்கா நிர்வாகம்.

புயல் முன்னெச்சரிக்கை நடவடிக்கையாக மெரினா கடற்கரை சர்வீஸ் சாலை, பெசன்ட்நகர் கடற்கரை சாலை மூடல். பொதுமக்களின் பாதுகாப்பு கருதி நடவடிக்கை.

புயல் எதிரொலியாக புதுச்சேரி மெரினா கடற்கரைக்கு செல்லும் சாலை மூடல். தொடர் கண்காணிப்புப் பணியில் காவல் துறை.

விழுப்புரம் கோட்டக்குப்பம், பொம்மையார் பாளையம் கடற்கரைக்கு பொதுமக்கள் செல்ல தடை. கடற்கரைக்கு செல்லும் சாலைகளை தடுப்புகளால் மூடிய காவல் துறையினர்.

சென்னையில் வழக்கம் போல் மாநகரப் பேருந்துகள் இயக்கப்படும் எனவும், மழையை பொறுத்து தேவை ஏற்பட்டால் பேருந்து சேவையில் மாற்றம் செய்யப்படும் எனவும் தகவல்.

சென்னையில் இருந்து பல்வேறு பகுதிகளுக்கு செல்லும் 13 விமானங்கள் ரத்து. வானிலையை பொறுத்து சில விமான சேவைகளில் மாற்றம் செய்யப்படும் என அறிவிப்பு.

ஃபெஞ்சல் புயல் தொடர்பாக செல்போனில் குறுஞ்செய்தி அனுப்பியது தமிழக அரசு. இந்நிலையில், பொதுமக்கள் பாதுகாப்பாக இருக்க அறிவுறுத்தல்.

புயலின்போது பலத்த காற்று வீசும் என்பதால் அனைத்து கட்டுமான நிறுவனங்களும் கிரேன்களை அகற்ற உத்தரவு. விளம்பர போர்டுகளை பாதுகாப்பாக இறக்கி வைக்கவும் அரசு அறிவுறுத்தல்.

ஃபெஞ்சல் புயல் காரணமாக மாமல்லபுரம், கோவளம் பகுதிகளில் கடல் சீற்றம். சுமார் 7 அடி உயரத்திற்கு அலைகள் ஆக்ரோஷம்.

மாமல்லபுரத்தில், தங்கும் விடுதிகளில் இருக்கும் சுற்றுலாப் பயணிகளுக்கு அறிவுறுத்தல். கடற்கரைகளுக்கு செல்ல வேண்டாம் என காவல் துறையினர் எச்சரிக்கை.

செங்கல்பட்டு மாவட்டம் நெம்மேலியில் கடல் அரிப்பு. குடியிருப்புகளுக்குள் கடல் நீர் புகுந்து விடும் அபாயம்.

கடலூரில் மற்றும் புதுச்சேரி துறைமுகங்களில் 7 ஆம் எண் எச்சரிக்கை கூண்டு ஏற்றம். புயல் எதிரொலியான மீனவர்களுக்கும் எச்சரிக்கை விடுப்பு.

ரெட் அலர்ட் விடுக்கப்பட்ட மாவட்டங்களில் 2,229 முகாம்கள் தயாராக இருப்பதாக தமிழக அரசு அறிவிப்பு. நாகை, தஞ்சை உள்ளிட்ட மாவட்டங்களில் மீட்பு, நிவாரணப் பணிகள் தீவிரம்.

செங்கல்பட்டு மாவட்டத்தில் தயார் நிலையில் 290 நிவாரண முகாம்கள். 390 தாழ்வான பகுதிகள் கண்டறியப்பட்டு உரிய நடவடிக்கைகள் எடுக்கப்பட்டுள்ளதாக மாவட்ட நிர்வாகம் விளக்கம்.

ஃபெஞ்சல் புயல் எதிரொலியாக கடலூரில் முன்னெச்சரிக்கை நடவடிக்கைகள் தீவிரம். 222 நீச்சல் வீரர்கள், 26 பாம்பு பிடி வீரர்கள் தயார் நிலையில் உள்ளதாக மாவட்ட நிர்வாகம் அறிவிப்பு.

காங்கிரசை வலுப்படுத்த கடினமான முடிவுகளை எடுக்க வேண்டியது அவசியம் என டெல்லியில் நடந்த கட்சி செயற்குழு கூட்டத்தில் மல்லிகார்ஜூன் கார்கே கருத்து..

தேசிய இனப்பெருக்க தொழில்நுட்பம் மற்றும் வாடகைத் தாய் வாரியத்திற்கு மக்களவை பெண் எம்பிக்கள் இருவரை உறுப்பினர்களாக நியமிக்க திட்டம்.

வாரியத்தை மேம்படுத்த நடவடிக்கை எடுத்து வருவதாக மத்திய அமைச்சர் ஜெ.பி.நட்டா விளக்கம்.

பாம்பு கடியை கவனிக்கத்தக்க நோயாக அறிவித்தது மத்திய அரசு. பாம்பு கடி சம்பவங்களை கண்காணிப்பதற்கான அமைப்பை உருவாக்கவும் மாநில அரசுகளுக்கு வலியுறுத்தல்.

மலேசியாவில் வரலாறு காணாத வெள்ளப்பெருக்கு. குடியிருப்புகள் நீரில் மூழ்கியதால் மக்களின் இயல்பு வாழ்க்கை முடக்கம்.

உகாண்டாவில் நிலச்சரிவில் சிக்கி உயிரிழந்தோர் எண்ணிக்கை 17ஆக உயர்வு. 100-க்கும் மேற்பட்டோர் காணாமல் போனதால் தேடுதல் பணி தீவிரம்.

எல்லோருடைய வாழ்விலும் வெற்றிடம் இருப்பதாக நினைக்கிறேன் என விவாகரத்து அறிவிப்புக்கு பின் முதன்முறையாக கோவா திரைப்பட விழாவில் மனம் திறந்த ஏ.ஆர். ரஹ்மான்.