சென்னையில் பாஜக வேட்பாளர்களை ஆதரித்து பிரதமர் நரேந்திர மோடி இன்று வாகன பேரணி நடைபெறவுள்ளதால், தியாகராய நகர் பகுதியில் பாதுகாப்பு ஏற்பாடுகள் தீவிரம்.
பிரதமர் மோடி வருகையை முன்னிட்டு சென்னையில் இன்று போக்குவரத்து மாற்றம் செய்யப்பட்டுள்ளது. ஆகவே, பிற்பகல் 3 மணி முதல் தியாகராய சாலையில் வாகனங்கள் செல்ல தடை விதிக்கப்பட்டுள்ளது.
ஒவ்வொரு சமூகத்துக்கும் இடையே சித்தாந்த வேறுபாட்டை ஏற்படுத்தி சண்டையை உருவாக்குகிறது பாஜக என காங்கிரஸ் எம்.பி ராகுல்காந்தி கடும் விமர்சனம் செய்துள்ளார்.
நாட்டில் பிரிவினையை ஏற்படுத்தும் வகையில் பிரதமர் பரப்புரை மேற்கொள்வதாக குற்றச்சாட்டினை முன்வைத்து தேர்தல் ஆணையத்தில் காங்கிரஸ் கட்சி புகார் அளித்துள்ளது.
கடற்படை பிரிவை உருவாக்கிய சோழர்கள் ஆண்ட மண்ணில் நிற்பது பெருமை என மத்திய அமைச்சர் ராஜ்நாத் சிங் திருவாரூரில் பரப்புரை மேற்கொண்டார்.
சாதிவாரி கணக்கெடுப்பு கேட்கும் பாமக, மனுநீதி பேசும் பாஜகவுடன் வைத்தது பொருந்தா கூட்டணி என அமைச்சர் உதயநிதி ஸ்டாலின் விமர்சனம் செய்துள்ளார்.
குடியுரிமை திருத்த சட்டத்தை ஆதரித்த அதிமுக, இஸ்லாமியர்களிடம் எந்த அடிப்படையில் வாக்கு கேட்கிறது? என திமுக துணைப் பொதுச்செயலாளர் கனிமொழி கேள்வி எழுப்பியுள்ளார்.
அரசு ஊழியர்களுக்கு அளித்த வாக்குறுதிகளை திமுக நிறைவேற்றவில்லை எனவும் வரி உயர்வால் மக்கள் பாதிக்கப்பட்டுள்ளதாகவும் இபிஎஸ் குற்றச்சாட்டு.
நயினார் நாகேந்திரனுக்கு தொடர்பானவர்களிடம் இருந்து பணம் பறிமுதல் செய்யப்பட்ட சம்பவத்தில், பிரதமர், அண்ணாமலை பேச மறுப்பது ஏன் என தமிழக காங்கிரஸ் தலைவர் செல்வபெருந்தகை கேள்வி எழுப்பியுள்ளார்.
ஜனநாயகத்தை காக்க வேண்டிய சூழல் மக்களுக்கு ஏற்பட்டுள்ளது.எனவே, ஜனநாயகமா?... பாசிசமா? என்ற போர்க்களத்தில் நிற்கிறோம் என்று வைகோ ஆதங்கம்.
மத்திய அரசிடம் இருந்து தாம் பெற்று வந்த திட்டங்களுக்கு திமுக ஸ்டிக்கர் ஒட்டிக்கொள்கிறது என பாமக தலைவர் அன்புமணி ராமதாஸ் விமர்சனம் செய்துள்ளார்.
சமூக நீதியை நிலைநாட்ட சாதிவாரி கணக்கெடுப்பு நடத்தப்பட வேண்டும் என தருமபுரியில் நாம் தமிழர் கட்சியின் ஒருங்கிணைப்பாளர் சீமான் வலியுறுத்தியுள்ளார்.
அதிமுகவை சின்னாபின்னமாக்கவே டிடிவி தினகரன் போட்டியிடுகிறார் என தேனி திமுக வேட்பாளர் தங்கதமிழ்ச்செல்வன் விமர்சனம்.
ஒட்டன்சத்திரம் அருகே காரில் கொண்டு செல்லப்பட்ட 80 லட்ச ரூபாய் உரிய ஆவணங்கள் இல்லாததால் தேர்தல் பறக்கும் படையினரால் பறிமுதல் செய்யப்பட்டது.
தமிழகத்தில் வாக்குப்பதிவு முடிந்தாலும் ஜூன் 4 வரை பணம் எடுத்துச்செல்ல கட்டுப்பாடு தொடரும். ஆகவே, 50ஆயிரம் ரூபாய்க்கு மேல் பணம் எடுத்து செல்ல முடியாது என தேர்தல் ஆணையம் விளக்கமளித்துள்ளது.
மக்களவை தேர்தலை முன்னிட்டு தமிழகத்தில் 10 ஆயிரத்து 214 பேருந்துகள் இயக்கப்படும் என அறிவிப்பு. வரும் 17, 18ம் தேதிகளில் சென்னையில் இருந்து இரண்டாயிரத்து 970 சிறப்பு பேருந்துகள் இயக்கம்.
திருப்பூர் அருகே சாலை வசதி இல்லாமல் தவிக்கும் மலைகிராம மக்கள் அடிப்படை வசதிகள் செய்து தரப்படாததால் மக்களவை தேர்தலை புறக்கணிக்க முடிவு செய்துள்ளனர்.
இளங்கலை நீட் தேர்வுக்கு விண்ணப்பிக்க கூடுதல் வாய்ப்பாக இன்றும், நாளையும் விண்ணப்பிக்கலாம் என தேசிய தேர்வு முகமை அறிவிப்பு.
வடலூர் சத்திய ஞான சபை முன்புள்ள பெருவெளியில் வள்ளலார் சர்வதேச மையம் அமைக்க வலுக்கும் எதிர்ப்பு தெரிவித்து கட்டுமானப் பணிக்கு தோண்டப்பட்ட பள்ளத்தில் இறங்கி மக்கள் போராட்டம்.
மதுபான கொள்கை முறைகேடு வழக்கில் கைது செய்யப்பட்டதற்கு எதிரான வழக்கில் டெல்லி முதலமைச்சர் அரவிந்த் கெஜ்ரிவால் தொடர்ந்த வழக்கில் இன்று தீர்ப்பளிக்கிறது.
மதுபான கொள்கை ஊழல் வழக்கில் சந்திரசேகர ராவின் மகள் கவிதாவின் ஜாமீன் மனுவை தள்ளுபடி செய்தது டெல்லி உயர்நீதிமன்றம் .
அமைச்சர் ஐ.பெரியசாமி மீதான வீட்டுவசதி வாரிய முறைகேடு வழக்கு விசாரணைக்கு இடைக்கால தடை விதித்து சென்னை உயர்நீதிமன்ற உத்தரவுக்கும் தடை விதித்தது உச்சநீதிமன்றம்.
சிபிஐ, என்.ஐ.ஏ, அமலாக்கத்துறை தலைமைகளை மாற்றக்கோரி தேர்தல் ஆணையத்தில் திரிணமூல் காங்கிரஸ் கட்சியினர் புகார் அளித்தநிலையில், தர்ணாவில் ஈடுபட்ட கட்சி நிர்வாகிகள் குண்டுகட்டாக கைது செய்யப்பட்டனர்.
வட அமெரிக்க நாடுகளில் நிகழ்ந்த நடப்பாண்டுக்கான முழு சூரிய கிரகணத்தினை அமெரிக்கா, மெக்சிகோ நாடுகளை சேர்ந்தவர்கள் கண்டுகளித்தனர்.
கொல்கத்தா அணிக்கு எதிரான ஐபிஎல் லீக் ஆட்டத்தில் 7 விக்கெட் வித்தியாசத்தில் சென்னை சூப்பர் கிங்ஸ் அபார வெற்றி.
