தென்மேற்கு வங்கக்கடலில் இன்று உருவாகிறது காற்றழுத்த தாழ்வுப்பகுதி. இந்நிலையில், இந்த காற்றழுத்த தாழ்வுப்பகுதி நாளை மறுநாள் காற்றழுத்த மண்டலமாக மாறும் என வானிலை மையம் கணிப்பு.
தேனி, தென்காசி, நெல்லை, கன்னியாகுமரியில் இன்று மிக கனமழை பெய்ய வாய்ப்பு. 7 மாவட்டங்களில் கனமழை பெய்யக்கூடும் என்று வானிலை மையம் எச்சரிக்கை.
பழனி அரசு ஆரம்ப சுகாதார நிலையத்திற்குள் மழைநீர் புகுந்ததால் நோயாளிகள் அவதி. மேலும்,வால்பாறை மலைப்பாதையில் மண் சரிவு ஏற்பட்டதால் போக்குவரத்து துண்டிக்கப்பட்டுள்ளது.
மக்களுடன் முதல்வர் திட்டம் இரண்டாவது கட்டமாக ஜூலை 15ஆம் தேதி தொடங்கவுள்ளது என தமிழ்நாடு அரசு அறிவிப்பு.
சென்னை அம்பத்தூரில் சொமேட்டோ ஊழியரை துரத்தி துரத்தி தாக்கிய கும்பல். தம்பியுடன் ஏற்பட்ட மோதலால் அண்ணன் மீது தாக்குதல் என்று தெரியவந்துள்ளது.
நெல்லை பாபநாசம் அருகே குடியிருப்பு பகுதியில் சுற்றித்திரிந்த இரண்டாவது சிறுத்தையை கூண்டு வைத்து லாவகமாக பிடித்தது வனத்துறை.
ஆந்திராவில் மின்னணு வாக்குப்பதிவு இயந்திரத்தை சேதப்படுத்திய ஆளுங்கட்சி எம்.எல்.ஏவின் மீது தேர்தல் ஆணையத்தின் உத்தரவுப்படி காவல்துறை வழக்குப்பதிவு.
அணு ஆயுதங்களுடன் பயிற்சி பெறும் ரஷ்ய வீரர்கள் உக்ரைன் எல்லைக்கு அருகே ஒத்திகையில் ஈடுபட்டதால் பதற்றம்.
ஐபிஎல் தொடரில் இறுதிப்போட்டிக்கு முன்னேறியது கொல்கத்தா அணி. இதன்படி, முதல் குவாலிஃபயர் போட்டியில் ஹைதராபாத் அணியை எளிதில் வீழ்த்தி வெற்றி.
இரண்டாவது குவாலிஃபயர் போட்டியில் ஹைதராபாத் அணியுடன் மோதப்போவது யார்?. எலிமினேட்டர் ஆட்டத்தில் ராஜஸ்தான் - பெங்களூரு அணிகள் இன்று பலப்பரீட்சை
