தலைப்புச் செய்திகள்|ஆர்சிபி அபார வெற்றி.. வெளியேறியது சிஎஸ்கே To தமிழ்நாட்டில் மிக கனமழை எச்சரிக்கை!
ஐபிஎல் தொடரில் பிளே ஆஃப் வாய்ப்பை இழந்தது சென்னை சூப்பர் கிங்க்ஸ் அணி. பெங்களூரு அணியுடனான போட்டியில் 27 ரன்கள் வித்தியாசத்தில் தோல்வியை சந்தித்தது.
தேனி, தென்காசி, நெல்லை மாவட்டங்களில் இன்று அதிகனமழைக்கு வாய்ப்பு. மேலும், 6 மாவட்டங்களில் மிக கனமழை பெய்யும் என வானிலை ஆய்வு மையம் கணிப்பு.
தமிழகம் முழுவதும் பரவலாக மழைப்பெய்ததால், மண் சரிவு ஏற்பட்டு ஊட்டி மலை ரயில் சேவை ரத்து செய்யப்பட்டுள்ளது.
உதகை, கொடைக்கானல், ஒகேனக்கல் உள்ளிட்ட சுற்றுலாத்தலங்களுக்கு செல்வோர் விழிப்புடன் இருக்க வேண்டும் என கனமழை எச்சரிக்கையை சுட்டிக்காட்டி பேரிடர் மேலாண்மை துறை அறிவுறுத்தியுள்ளது.
நாட்டிலேயே அதிகபட்சமாக டெல்லியில் 47 டிகிரிக்கு மேல் வெயில் பதிவாகியுள்ளது, வரும் 21 ஆம்தேதி வரை வடமாநிலங்களில் வெப்ப அலைக்கான எச்சரிக்கை விடப்பட்டுள்ளது.
கோவை அன்னூர் பாரதிய ஜனதா நிர்வாகி வீட்டில் நிலம் வாங்க வைத்திருந்த ஒருகோடி ரூபாய் பணத்தை பீரோவை உடைத்து கொள்ளையடித்து சென்றுள்ளனர். அவர்களை தேடுவதற்கு தனிப்படை அமைக்கப்பட்டுள்ளது.
ஐந்தாம் கட்டத் தேர்தலுக்கான பரப்புரை ஓய்ந்த நிலையில், பீகார், ஒடிசா உட்பட 8 மாநிலங்களில் உள்ள 49 தொகுதிகளுக்கு நாளை வாக்குப்பதிவு நடைபெறவுள்ளது.
தாக்கப்பட்டதாக நாடாளுமன்ற உறுப்பினர் ஸ்வாதி மலிவால் அளித்த புகாரில் கைது டெல்லி முதலமைச்சர் அரவிந்த் கெஜ்ரிவாலின் தனிச்செயலாளர் பிபவ் குமாருக்கு 5 நாள் போலீஸ் காவல்.
பாஜக தலைமை அலுவலகத்தை இன்று முற்றுகையிட ஆம் ஆத்மி முடிவு செய்துள்ளது.பாஜக விரும்பும் யாரையும் சிறைக்கு அனுப்பட்டும் என அரவிந்த் கெஜ்ரிவால் சவால்.
கிர்கிஸ்தானில் வெளிநாட்டு மாணவர்கள் மீது வன்முறை நடத்தப்பட்டுள்ளது.இந்நிலையில், இந்திய மாணவர்கள் பாதுகாப்பாக இருக்க தூதரகம் அறிவுறுத்தல்.
