தலைப்புச் செய்திகள் |பேருந்து இயக்கத்தில் குழப்பம் முதல் தைப்பூசம் கொண்டாட்டம் வரை

ஆம்னி பேருந்துகள் இயக்கப்படுவது கோயம்பேட்டிலா? அல்லது கிளாம்பாக்கத்திலா? என்பதில் நீடிக்கும் குழப்பம்.

தருமபுரியில் நெல் ஏற்றி வந்த லாரி, முன்னே சென்ற லாரிகள் மீது மோதி தீப்பிடித்ததில் 4 பேர் உயிரிழப்பு. விபத்து காரணமாக மலைப்பாதையில் 8 கிலோ மீட்டர் தொலைவுக்கு ஸ்தம்பித்து நின்ற வாகனங்கள்.

மேகதாதுவில் நடப்பு காங்கிரஸ் ஆட்சிக்காலத்திலேயே அணையை கட்டுவோம். கர்நாடக துணை முதலமைச்சர் D.k. சிவக்குமார் திட்டவட்டம்.

சார்பதிவாளர் அலுவலகங்களில் நேற்று ஒரே நாளில் 26 ஆயிரம் ஆவணங்கள் பதிவு செய்யப்பட்டு 217 கோடி ரூபாய் வருவாய். தமிழக பதிவுத்துறை வரலாற்றில் புதிய சாதனை.

தமிழகமெங்கும் முருகன் கோயில்களில் தைப்பூசம் இன்று கோலாகலம். பழனி, திருச்செந்தூர் உள்ளிட்ட கோயில்களில் குவிந்த பக்தர்கள்.

இடைக்கால பட்ஜெட் பணியை ஒட்டி டெல்லியில் அல்வா சமைக்கும் நிகழ்ச்சி. பாரம்பரிய நடைமுறையை பின்பற்றி நிதியமைச்சக அதிகாரிகளுக்கு அல்வா வழங்கினார் அமைச்சர் நிர்மலா சீதாராமன்.

உக்ரைன் போர்க்கைதிகளுடன் சென்ற ரஷ்ய விமானம் விழுந்து நொறுங்கி 74 பேர் உயிரிழப்பு. உக்ரைன் தாக்கியதால் விபத்து நேர்ந்ததாக ரஷ்யா குற்றச்சாட்டு.

நிலத்தடி நீர் மட்டம் உலகெங்கும் வேகமாக குறைந்து வருவதாக ஆய்வில் அதிர்ச்சித்தகவல். பிரச்னைக்கு தீர்வு காணாவிட்டால் குடிநீர், விவசாய நீர் தட்டுப்பாடு ஏற்படும் என ஆய்வுக்கட்டுரையில் எச்சரிக்கை.

இந்தியா - இங்கிலாந்து அணிகள் இடையே முதல் கிரிக்கெட் டெஸ்ட் ஹைதராபாதில் இன்று தொடக்கம்.