திருப்பதி ஏழுமலையான் கோயிலில் வருடாந்திர பிரம்மோற்சவம் இன்று கொடியேற்றத்துடன் தொடங்குகிறது. இதனையடுத்து கல்யாண உற்சவம், ஊஞ்சல் சேவை உள்ளிட்ட அனைத்து ஆர்ஜித சேவைகளும், மூத்தகுடிமக்கள், மாற்றுதிறனாளிகள் உள்ளிட்ட முன்னுரிமை தரிசனங்களும் ரத்து செய்யப்படுவதாகவும் அறிவிக்கப்பட்டுள்ளது.
பிரம்மோற்சவம் அக்டோபர் 1 தேதியன்று சக்கரத்தாழ்வார் தீர்த்தவாரியுடன் நிறைவு பெறுகிறது. இதற்காக விரிவான பாதுகாப்பு ஏற்பாடுகள் செய்யப்பட்டுள்ளன. இதற்கிடையில் பிரம்மோற்சவத்தினை முன்னிட்டு கோயிலில் அங்குரார்பனம் நடைபெற்றது. அப்போது, விஷ்வசேனதிபதியை சிறப்பு பூஜையுடன் மேற்கு திசையில் உள்ள வசந்த மண்டபத்திற்கு கொண்டுச்சென்றனர்.
