அமெரிக்க வெளியுறவு அமைச்சர் - சுஷ்மா ஸ்வராஜ் சந்திப்பு

ஆப்கானிஸ்தான் மற்றும் பாகிஸ்தானில் சுற்றுப்பயணத்தை முடித்துக் கொண்டு நேற்றிரவு டெல்லி வந்தடைந்த அமெரிக்க வெளியுறவுத் துறை அமைச்சர் ரெக்ஸ் டில்லர்சன் இன்று வெளியுறவுத் துறை அமைச்சர் சுஷ்மா ஸ்வராஜை சந்தித்து இரு தரப்பு உறவுகள் குறித்து பேச்சுவார்த்தை நடத்தினார். 

முன்னதாக பாகிஸ்தானின் இஸ்லாமபாத் சென்றிருந்த டில்லர்சன் பயங்கரவாத முகாம்களை ஒழிப்பதில் கூடுதல் நடவடிக்கையை எடுக்க வேண்டும் என அந்நாட்டு பிரதமர் ஷாகித்கான் அப்பாஸியிடம் நேரடியாக வலியுறுத்தினார். இதன்பின் டெல்லி வந்தடைந்த அவர், இன்று காலை மகாத்மா காந்தி நினைவிடத்துக்கு சென்று அஞ்சலி செலுத்தினார். ஆசியாவில் சீனாவின் ஆதிக்கத்தை முடிவுக்கு கொண்டுவர இந்தியாவுடனான உறவை மேலும் வலுப்படுத்த அதிபர் ட்ரம்ப் முடிவு செய்துள்ளார் என இந்தியா புறப்படும் முன் ரெக்ஸ் தெரிவித்திருந்தார்.