இடுக்கி, குமுளி, தேக்கடி உள்ளிட்ட பகுதிகளில் தொடர்ந்து மழை பெய்து வருகிறது. இதனால், முல்லைப் பெரியாறு அணையின் நீர்மட்டம், 136 அடியாக உயர்ந்துள்ளது. அணைக்கு நீர்வரத்து 5 ஆயிரத்து 250 கன அடியாக அதிகரித்துள்ளது. தமிழ்நாட்டிற்கான நீர் திறப்பு விநாடிக்கு 2 ஆயிரத்து 200 கன அடியாக உள்ளது. அணையின் நீர்மட்டம் 140 அடியை எட்டியதும் முதல்கட்ட வெள்ள அபாய எச்சரிக்கை விடுக்கப்படவுள்ளது.
