இந்தியாவில் சற்றே குறைந்த தினசரி கொரோனா பாதிப்பு

இந்தியாவில் கொரோனா தினசரி பாதிப்பு சற்று குறைந்துள்ளது. நாட்டில் கடந்த 24 மணி நேரத்தில் 3,68,147 பேர் பாதிக்கப்பட்டிருக்கிறார்கள்.

மத்திய சுகாதாரத்துறை வெளியிட்டுள்ள புள்ளி விவரங்களின்படி, இந்தியாவில், கடந்த 24 மணிநேரத்தில் 3 லட்சத்து 68 ஆயிரத்து 147 பேர் கொரோனா தொற்றால் பாதிக்கப்பட்டுள்ளனர். இதனால் மொத்த பாதிப்பு ஒரு கோடியே 99 லட்சத்து 25 ஆயிரத்து 604 ஆக அதிகரித்திருக்கிறது.

நாட்டில் கடந்த 24 மணிநேரத்தில் 3,417 பேர் உயிரிழந்ததையடுத்து மொத்த உயிரிழப்பு 2 லட்சத்து 18 ஆயிரத்து 959 ஆக உயர்ந்தள்ளது. தற்போது 34 லட்சத்து 13 ஆயிரத்து 642 பேர் கொரோனா சிகிச்சையில் உள்ளனர். நாட்டில் கொரோனாவில் இருந்து ஒரு கோடியே 62 லட்சத்து 93 ஆயிரத்து 3 பேர் குணமடைந்துள்ளனர். இந்தியாவில் இதுவரை 15 கோடியே 71 இலட்சத்து 98 ஆயிரத்து 207 பேருக்கு தடுப்பூசி செலுத்தப்பட்டுள்ளது என்று மத்திய சுகாதார அமைச்சகம் தெரிவித்திருக்கிறது.