HEADLINES |அடுத்த 6 நாட்களுக்கு மழை வாய்ப்பு முதல் விஜய் பயணத்தில் மாற்றம் வரை!
புதிய தலைமுறை இணையதளம் நாள்தோறும் அன்றைய தலைப்புச் செய்திகள் குறித்து இருவரிகளில் பதிவு செய்து வருகிறது. அந்த வகையில், இன்றைய நாளுக்கான செய்திகளில் அடுத்த 6 நாட்களுக்கு மழை வாய்ப்பு முதல் விஜய் சுற்றுப்பயணத்தில் மாற்றம் வரை விவரிக்கிறது.
தமிழகத்தில் இன்றுமுதல் அடுத்த 6 நாட்களுக்கு மழை பெய்யும் எனவும் செப். 26, 27ஆம் தேதிகளில் கோவை, நீலகிரியில் கனமழை பெய்யும் என வானிலை ஆய்வு மையம் தெரிவித்துள்ளது.
தவெக தலைவர் விஜய் சுற்றுப்பயணத்தில் திடீர் மாற்றம். அடுத்த மாதம் 4ஆம் தேதி வேலூர், ராணிப்பேட்டையில் தேர்தல் பரப்புரையில் ஈடுபடுவார் என தகவல் வெளியாகியுள்ளது.
சொத்துக்குவிப்பு வழக்கில் அமைச்சர் துரைமுருகன் விடுவிப்பை ரத்து செய்த உத்தரவுக்கு இடைக்காலத் தடை விதிக்கப்பட்டுள்ளது.
இண்டிகோ விமான நிறுவனத்தின் மோசமான சேவை குறித்து தமிழக அமைச்சர் டி.ஆர்.பி. ராஜா புகார் தெரிவித்துள்ளார்.
ஆதித்யா எல்-1 இதுவரை 13 டெரா பைட் அளவுக்கான அறிவியல் தகவல்களைப் பகிர்ந்துள்ளதாக இஸ்ரோ தலைவர் நாராயணன் தெரிவித்துள்ளார்.
நடிகர் ரன்பீர் கபூர் மீதும் நெட்ஃப்ளிக்ஸ் நிறுவனம் மீதும் நடவடிக்கை எடுக்க வேண்டும் என மும்பை காவல் துறையை தேசிய மனித உரிமைகள் ஆணையம் கேட்டுக்கொண்டுள்ளது.
இந்திய வான்பரப்பில் பாகிஸ்தான் விமானங்கள் நுழைவதற்கு விதிக்கப்பட்ட தடையை, வரும் அக்டோபர் 24-ஆம் தேதி வரை நீட்டித்து இந்தியா அறிவிப்பு வெளியிட்டுள்ளது.
சிறந்த கால்பந்து வீரருக்கான Ballon d' Or விருதை பிரான்ஸ் வீரர் டெம்பிலே வென்றார்.
செஸ் வீராங்கனை வைஷாலிக்கு அரசுப் பணிக்கான ஆணையை முதல்வர் ஸ்டாலின் வழங்கினார்.
நேபாளத்தைத் தொடர்ந்து பெருவிலும் அரசுக்கு எதிராக GEN Z இளைஞர்களின் போராட்டம் வெடித்தது.
