அமைச்சர்களின் செயல்பாடுகளை பிரதமர் மோடி ஆய்வு.. 2 நாள் ஆலோசனைக் கூட்டம்!

மேற்கு ஆசியப் போர் உள்ளிட்ட பல்வேறு சவால்களுக்கு மத்தியில், மத்திய அரசின் செயல்பாடுகள் மற்றும் எதிர்காலத் திட்டங்கள் குறித்து பிரதமர் மோடி தலைமையில் இரண்டு நாள் ஆலோசனைக் கூட்டம் நடைபெற உள்ளது.

இன்று மற்றும் நாளை பிரதமரின் புதிய அலுவலகமான ‘சேவா தீர்த்’தில் நடைபெறும் கூட்டத்தில் மத்திய அமைச்சர்கள் பங்கேற்க உள்ளனர்.

‘சிந்தன் சிவிர்’ என அழைக்கப்படும் இந்தக் கூட்டத்தில் அரசுத் திட்டங்களின் முன்னேற்றம், கொள்கை அமலாக்கம், அமைச்சகங்களுக்கு இடையேயான ஒருங்கிணைப்பு மற்றும் பொதுமக்களுக்கான சேவை விநியோகம் குறித்து மதிப்பாய்வு செய்யப்பட உள்ளது. ஒவ்வொரு அமைச்சகத்தின் செயல்பாடுகள், எட்டப்பட்ட இலக்குகள் மற்றும் அடுத்தகட்ட சீர்திருத்தங்கள் குறித்து அறிக்கைகள் சமர்ப்பிக்கப்பட உள்ளன.