நாட்டின் அடுத்த தலைமை நீதிபதியாக எஸ்.ஏ.பாப்டேவை நியமித்து குடியரசுத் தலைவர் ராம்நாத் கோவிந்த் அறிவித்துள்ளார்
உச்சநீதிமன்றத்தின் தலைமை நீதிபதி ரஞ்சன் கோகாயின் பதவிக் காலம் வரும் நவம்பர் 17-ஆம் தேதியோடு முடிவடைகிறது. தற்போது அயோத்தி வழக்கு விசாரணை முடிவுற்ற நிலையில், அதன் தீர்ப்பை வழங்கிவிட்டு ரஞ்சன் கோகாய் ஓய்வு பெறுவார் என எதிர்ப்பார்க்கப்படுகிறது.
(ரஞ்சன் கோகாய்)
உச்சநீதிமன்றத்தின் 47-வது தலைமை நீதிபதியாக எஸ்.ஏ.பாப்டே நியமிக்கப்படுவார் என செய்திகள் வெளியாகின. நாட்டின் அடுத்த தலைமை நீதிபதியாக எஸ்.ஏ.பாப்டேவை நியமித்து குடியரசுத் தலைவர் ராம்நாத் கோவிந்த் இன்று அறிவித்துள்ளார். அதன்படி நவம்பர் 18-ஆம் தேதி எஸ்.ஏ.பாப்டே பதவியேற்க உள்ளதாகவும் 2021-ஆம் ஆண்டு ஏப்ரல் 23-ஆம் தேதி வரை அப்பதவியில் நீடிப்பார் என்றும் கூறப்படுகிறது.
