ஜோதிராவ் புலேவின் 200-வது பிறந்த தினம்.. மோடி ராகுல் நேருக்கு நேர் உரையாடல்! #Viral Video
ஜோதிராவ் புலேவின் 200வது பிறந்தநாள் நினைவுநாளில், நாடாளுமன்ற வளாக பிரேர்ணா ஸ்தலத்தில் நடைபெற்ற மரியாதை செலுத்தும் நிகழ்வில் பிரதமர் மோடி மற்றும் ராகுல் காந்தி எதிர்பாராத வகையில் நேருக்கு நேர் சந்தித்தனர். மோடி காரிலிருந்து இறங்கி ராகுலுடன் அருகருகே நின்று அமைதியான சூழலில் சில வார்த்தைகள் பகிர்ந்த காட்சி பதிவாகியது.
சமூக சீர்திருத்தவாதியான மகாத்மா ஜோதிபா புலேவின் 200-வது பிறந்தநாள் விழா இன்று நாடு முழுவதும் கொண்டாடப்படுகிறது. இந்த சூழலில், நாடாளுமன்ற வளாகத்தில் பிரேர்ணா ஸ்தலத்தில் உள்ள ஜோதிராவ் புலேவின் உருவசிலைக்கு தலைவர்கள் மலரஞ்சலி செலுத்தினர்.
அவ்வாறு பிரதமர் மோடி, நாடாளுமன்ற வளாகத்தில் மகாத்மா ஜோதிபா புலேவின் உருவச்சிலைக்கு அஞ்சலி செலுத்தும் நிகழ்வின்போது, நாடாளுமன்ற எதிர்க்கட்சித் தலைவர் ராகுல் காந்தியை பார்த்த அவர், காரில் இருந்து இறங்கி அவருடன் உரையாடினார். இரு தலைவர்களும் தத்தமது பணிகளைத் தொடர்வதற்கு முன்பு, அருகருகே நின்று கவனமாக உரையாடியதைக் காட்சிகள் பதிவுசெய்த நிலையில், அவர்கள் கனிவான முறையில் சில வார்த்தைகளைப் பரிமாறிக்கொண்டதாகத் தோன்றியது.
ஆளும் பாஜகவுக்கும் காங்கிரஸுக்கும் இடையே அடிக்கடி நிகழும் கடுமையான அரசியல் கருத்துப் பரிமாற்றங்களுக்கு மத்தியில், இந்த நேருக்கு நேர் உரையாடல் குறுகியதாக இருந்தபோதிலும் தனித்துவமாக இருந்தது. இரு தலைவர்களும் பேசியபோது, அருகிலிருந்தவர்கள் மௌனம் காத்தனர்.
