Headlines|மக்கள் அதிகமுள்ள இடங்களில் முகக்கவசம் முதல் மழை வெள்ளம் வரை!
மக்கள் கூட்டம் அதிகமுள்ள இடங்களில் முகக்கவசம் அணியலாம். கொரோனா பரவல் அதிகரிக்கும் நிலையில், தமிழக சுகாதாரத் துறை அறிவுறுத்தல்.
சென்னை மற்றும் புறநகர் பகுதிகளில் விட்டுவிட்டு பெய்த மழை. வெப்பம் தணிந்து குளிர்ச்சி நிலவியதால் மக்கள் மகிழ்ச்சி .
தொடர் மழையால் திற்பரப்பு அருவில் ஏற்பட்ட வெள்ளப்பெருக்கு. பாதுகாப்பு கருதி, சுற்றுலாப் பயணிகள் குளிக்கத் தடை.
காவிரி நீர் பிடிப்பு பகுதிகளில் தொடர் மழை எதிரொலி . கபினி அணையில் இருந்து உபரிநீர் வெளியேற்றப்படுவதால், வெள்ள அபாய எச்சரிக்கை.
கேரளாவின் காசர்கோட்டில் பள்ளிவாசலை சூழ்ந்த மழை வெள்ளம். கர்நாடகாவின் மங்களூருவில் வெள்ளத்தில் சிக்கியவர்கள் படகு மூலம் மீட்பு.
தேர்தல் நேரத்தில் கட்சி தாவி விட்டு பாஜகவிற்கு திரும்புபவர்களுக்கு, முக்கியத்துவம் கிடையாது என பிகார் சட்டமன்ற தேர்தல் நெருங்கும் நிலையில் பிரதமர் மோடி எச்சரிக்கை.
சென்னையில் வரும் 3ஆம் தேதி முதல் மின்சார பேருந்து சேவை. முதற்கட்டமாக 120 மின்சார பேருந்துகளின் சேவையை தொடங்கி வைக்கிறார் முதல்வர் மு.க.ஸ்டாலின்.
அதிமுக பொதுச் செயலாளர் எடப்பாடி பழனிசாமியுடன், தேமுதிக பொருளாளர் எல்.கே.சுதீஷ் திடீர் சந்திப்பு. ராஜ்யசபா சீட் தொடர்பாக இருவரும் ஆலோசனை எனத் தகவல்.
வேலூர் அரசு மருத்துவமனையில் செவிலியரின் அலட்சியத்தால் விபரீதம். பச்சிளம் குழந்தையின் கை விரல் துண்டான பரிதாபம்.
ஒடிசாவில் அரசு அதிகாரி வீட்டில் அதிரடி சோதனை நடத்திய லஞ்ச ஒழிப்புத்துறை. 2 கோடி ரூபாய் பறிமுதல்; 10 பேர் சேர்ந்து பணத்தை எண்ணும் வீடியோ வைரல்.
காசாவிலுள்ள ஒவ்வொருவரும் பஞ்சத்தில் சிக்கும் ஆபத்து. உலகின் மிகவும் பசிமிக்க இடமாக காசா உள்ளதாக ஐநா எச்சரிக்கை.
அமெரிக்காவில் 5 லட்சத்திற்கும் மேற்பட்டோருக்கான குடியேறிகள் பரோலை திரும்ப பெறும் நடவடிக்கைக்கு அனுமதி. ட்ரம்ப் நிர்வாகத்தின் செயலுக்கு விதிக்கப்பட்ட தடையை நீக்கிய உச்ச நீதிமன்றம்.
ஐபிஎல் தொடரில் குஜராத்தை வீழ்த்தி, இறுதிப்போட்டிக்கான 2ஆவது தகுதிச் சுற்றுக்கு முன்னேறியது மும்பை இந்தியன்ஸ். குஜராத்தின் வெற்றிக்காக போராடிய சாய் சுதர்சனின் ஆட்டம் வீண்.
பிரதமர் மோடியை, பாட்னா விமான நிலையத்தில் சந்தித்த சூர்யவன்சி. இளம் கிரிக்கெட் வீரரின் எதிர்கால முயற்சிகளுக்கு வாழ்த்து என பிரதமர் எக்ஸ் தளத்தில் பதிவு.
ஆசிய தடகளத்தில் 10 ஆயிரம் மீட்டரைத் தொடர்ந்து, 5 ஆயிரம் மீட்டர் ஓட்டத்திலும் தங்கம் வென்ற குல்வீர் சிங். மகளிருக்கான உயரம் தாண்டுதலில் பூஜாவும், ஹெப்டத்லான் போட்டியில் நந்தினியும் தங்கம் வென்று அசத்தல் .
