Headlines|மாநிலங்களவை இடங்களுக்கான தேர்தல் அறிவிப்பு முதல் தொடரும் ரெட் அலர்ட் வரை!
நீலகிரி, கோவை மாவட்டங்களுக்கு தொடரும் ரெட் அலர்ட். நெல்லை, தேனி, தென்காசி, கன்னியாகுமரி மாவட்டங்களில் இன்று மிக கனமழைக்கு வாய்ப்பு.
நீலகிரியில் அதிகனமழையால் 43 இடங்களில் மரங்கள் சரிந்தன. 4 வீடுகள் சேதமடைந்துள்ளதாகவும் மாவட்ட நிர்வாகம் தகவல்.
மத்திய மேற்கு மற்றும் அதனை ஒட்டிய வடக்கு வங்கக்கடல் பகுதிகளில் இன்று புதிய காற்றழுத்த தாழ்வுப்பகுதி உருவாகக்கூடும் என வானிலை ஆய்வு மையம் கணிப்பு.
குற்றாலத்தில் காட்டாற்று வெள்ளமாக கொட்டும் மெயின் அருவி. அனைத்து அருவிகளிலும் குளிக்க மாவட்ட நிர்வாகம் தடை.
தேனி அருகே மழைநீர் வடிகால் தொட்டியில் இருசக்கர வாகனத்துடன் தவறி விழுந்து இரண்டு இளைஞர்கள் உயிரிழப்பு. வடிகால் தொட்டிக்கு சுற்றுச்சுவர் இல்லாததே விபத்துக்கு காரணம் என தகவல்.
தமிழகத்தில் காலியாக உள்ள 6 மாநிலங்களவை எம்.பி. பதவிகளுக்கு ஜுன் 19ஆம் தேர்தல். அன்புமணி, வைகோ உள்ளிட்டோரின் பதவிக்காலம் முடிவடையவுள்ள நிலையில் தேர்தல் ஆணையம் அறிவிப்பு.
தமிழ்நாட்டில் விரைவில் கூடுதல் முதல்வர் படைப்பகங்கள் திறக்க நடவடிக்கை என முதல்வர் மு.க.ஸ்டாலின் அறிவிப்பு.
அதிமுக ஆட்சியில் இருந்தபோது பிரதமர் மோடிக்கு கருப்புக்கொடி காட்டிய ஸ்டாலின், இப்போது வெள்ளைக்குடை பிடிக்கிறார் என கள்ளக்குறிச்சி பொதுக்கூட்டத்தில் எடப்பாடி பழனிசாமி விமர்சனம்.
யாரும் யாருடைய வாக்கை பிரிக்க முடியாது. ஓட்டு பிரிப்பது என்பது கூரை வீட்டை பிரிப்பது போன்று அல்ல என்று சீமான் பேச்சு.
சென்னை வியாசர்பாடியில் குடிசைப் பகுதியில் பயங்கர தீ விபத்து. வீட்டில் இருந்த கேஸ் சிலிண்டர் வெடித்துச் சிதறியதால் பரபரப்பு.
சென்னை அனகாபுத்தூரில் மின்சாரம் தாக்கி தொழிலாளி உயிரிழப்பு. பாதாள சாக்கடை பணியின்போது விபரீதம்.
சென்னை அண்ணாநகரில் இரவு நேரத்தில் பைக் ரேஸில் ஈடுபட்டதாக 9 பேர் கைது. பொய்யாக வழக்குப்பதிவு செய்துள்ளாகக் கூறி காவல் நிலையத்தை முற்றுகையிட்டு பெற்றோர் வாக்குவாதம்.
பிரான்ஸ் அதிபர் இம்மானுவேல் மெக்ரானின் முகத்தை பிடித்து தள்ளிய மனைவி. சமூக ஊடகங்களில் காட்டுத்தீயாய் பரவி வரும் வீடியோ.
உக்ரைனை முழுமையாக கைப்பற்ற வேண்டும் என புடின் நினைத்தால் அது ரஷ்யாவின் வீழ்ச்சிக்கு காரணமாகி விடும். போர் நிறுத்தம் தாமதமாகி வரும் நிலையில் ரஷ்ய அதிபரை விமர்சித்த அமெரிக்க அதிபர் ட்ரம்ப்.
ஐபிஎல் கிரிக்கெட்டில் மும்பை அணியை வீழ்த்தியது பஞ்சாப் கிங்ஸ். 7 விக்கெட் வித்தியாசத்தில் வீழ்த்தி அசத்தல்.
