Headlines|மிதமான மழை முதல் ஆலங்கட்டி மழையால் சேதமடைந்த விமானம் வரை!

தமிழ்நாட்டில் புத்தாக்கம் செய்யப்பட்டுள்ள 9 ரயில் நிலையங்களை காணொளி முறையில் இன்று திறந்து வைக்கிறார் பிரதமர் மோடி.

எந்தநாளும் உரிமைக்கொடியைதான் ஏந்துவேன் என நிதி ஆயோக் கூட்டத்தில் பங்கேற்பது பற்றி முதல்வர் ஸ்டாலின் பதில். வெள்ளைக்கொடிக்கு வேலை வந்துவிட்டதோ என பழனிசாமி கேள்வி எழுப்பிய நிலையில், எக்ஸ் தளத்தில் ஸ்டாலின் பதிவு.

ரெய்டைப் பார்த்து யாருக்குப் பயம் என முதல்வர் ஸ்டாலினுக்கு அதிமுக பொதுச் செயலாளர் பழனிசாமி கேள்வி. 3 ஆண்டுகளாக நிதி ஆயோக் கூட்டத்தை புறக்கணித்து இப்போது மட்டும் முதல்வர் செல்வது ஏன் என்றும் வினா.

பல்கலைக்கழக துணைவேந்தர்களை நியமிக்கும் அதிகாரத்தை அரசுக்கு வழங்கிய சட்டப்பிரிவுக்கு இடைக்கால தடை. திருநெல்வேலியைச் சேர்ந்த வெங்கடாசலபதி தொடர்ந்த வழக்கில் சென்னை உயர் நீதிமன்றம் உத்தரவு .

துணைவேந்தர் நியமனம் தொடர்பான வழக்கில் சென்னை உயர் நீதிமன்ற உத்தரவை எதிர்த்து மேல்முறையீடு செய்கிறது தமிழக அரசு.

அரசுக்கு அவகாசம் தராமல் விசாரிப்பது முறையற்றது என மூத்த வழக்கறிஞர் வில்சன் பேட்டி.

நகைக்கடனில் புதிய விதிமுறைகளைக் கொண்டு வந்து சாமானியர்களின் தலையில் இடியை இறக்கியுள்ளது ரிசர்வ் வங்கி. தமிழக நிதியமைச்சர் தங்கம் தென்னரசு விமர்சனம்.

தஞ்சை அருகே அரசுப் பேருந்தும், டெம்போ வாகனமும் நேருக்கு நேர் மோதி விபத்து. 5 பேர் உயிரிழந்த நிலையில், 7 பேர் படுகாயங்களுடன் மருத்துவமனையில் அனுமதி.

மாநிலம் முழுவதும் உள்ள கல்குவாரிகளை ஆய்வு செய்ய கனிமவளத்துறை உத்தரவு. சிவகங்கை கல்குவாரி விபத்தில் 5 பேர் உயிரிழந்ததையடுத்து நடவடிக்கை.

கழிவுநீர் கலப்பதை தடுக்க அனகாபுத்தூரில் ஆற்றின் கரையோரம் உள்ள குடியிருப்புகளை மறுகுடியமர்வு செய்வது அவசியம் . உயர் நீதிமன்ற உத்தரவின்படியே ஆக்கிரமிப்பு வீடுகள் அகற்றம் என தமிழக அரசு விளக்கம்.

பாலியல் புகாருக்கு உள்ளான திமுக முன்னாள் நிர்வாகி தெய்வச்செயலுக்கு முன்ஜாமீன் வழங்கிய சென்னை உயர் நீதிமன்றம் உத்தரவு.

தமிழகத்தில் ஒரு வாரத்திற்கு மிதமான மழைக்கே வாய்ப்பு என வானிலை மையம் அறிவிப்பு. அடுத்த 2 நாட்களுக்கு வெப்பநிலை 3 டிகிரி செல்சியஸ் வரை அதிகரிக்கக்கூடும் என்றும் கணிப்பு.

டெல்லியில் திடீரென புழுதிப் புயலுடன் கொட்டிய கனமழை. பல இடங்களில் மரங்கள் முறிந்து விழுந்ததால் வாகன ஓட்டிகள் பாதிப்பு.

டெல்லியில் இருந்து ஸ்ரீநகருக்கு இயக்கப்பட்ட இண்டிகோ விமானத்தின் முன்பகுதி ஆலங்கட்டி மழையால் சேதம். நடுவானில் தத்தளித்த விமானத்தால் மரண பீதியில் அலறிய பயணிகள்..ipl

தென்னாப்ரிக்காவில் வெள்ளையின மக்கள் குறிவைத்து கொல்லப்படுவதாக அந்நாட்டு அதிபருடன் வாக்குவாதம் செய்த ட்ரம்ப். வெள்ளை மாளிகையில் வீடியோ ஆதாரம், பத்திரிகை செய்திகளை காட்டி குற்றச்சாட்டு.

தக் லைஃப் படத்தில் இடம்பெற்றுள்ள சுகர் பேபி பாடலின் லிரிக்கல் வெர்ஷன் வெளியானது. ஜூன் 5இல் திரைப்படம் வெளியாகவுள்ள நிலையில் ரசிகர்கள் பெரும் எதிர்பார்ப்பு.

ஐபிஎல் பிளே ஆஃப் சுற்றுக்கு தகுதிபெற்றது மும்பை இந்தியன்ஸ். டெல்லி அணியை எளிதில் வீழ்த்தி அடுத்த சுற்றுக்கு முன்னேற்றம்.