Headlines | தாய்லாந்தில் மீண்டும் நிலநடுக்கம் முதல் கால்பந்தில் இந்தியா - பிரேசில் பலப்பரீட்சை வரை!
மியான்மர் நிலநடுக்கத்தில் உயிரிழந்தோர் எண்ணிக்கை 1644 ஆக அதிகரிப்பு. நபியிடா நகரில் நேற்று மீண்டும் நிலநடுக்கம் ஏற்பட்டதால் மக்கள் அச்சம்.
மியான்மருக்கு நிவாரண பொருட்களுடன் கூடிய 5 விமானங்கள் சென்றுள்ளன என இந்திய வெளியுறவு அமைச்சகம் தகவல்.
தாய்லாந்தின் பாங்காக் நகரில் பூகம்பத்துக்கு மத்தியில் பிறந்த பெண் குழந்தை. மகள் பிறந்தவுடன் பூமி குலுங்குவது நின்றுவிட்டதாக தாய் மகிழ்ச்சி.
தேர்தலில் தங்களை நிராகரித்த தமிழ்நாட்டு மக்களை பாஜக தண்டிக்கிறது. 100 நாள் வேலை திட்டத்திற்கான நிதியை விடுவிக்கவில்லை எனக் கூறி மத்திய அரசுக்கு முதல்வர் மு.க.ஸ்டாலின் கண்டனம்.
ராணி வேலுநாச்சியார் குறித்து, வீராங்கனா என்ற தலைப்பில் டிஜிட்டல் புத்தகத்தை வெளியிட்ட பாஜக. மத்திய அமைச்சர் ராஜ்நாத் சிங், டெல்லி முதல்வர் ரேகா குப்தா, பாஜக மகளிர் அணி தலைவர் வானதி சீனிவாசன் பங்கேற்பு.
விஜய் வருமான வரியை முழுமையாக செலுத்தினாரா? கேள்வி எழுப்பும் சட்டப்பேரவை சபாநாயகர் அப்பாவு.
திருச்செந்தூர் முருகன் கோயிலில் வாரத்தில் 3 நாட்களுக்கு சிறப்பு தரிசனத்திற்கு அனுமதி இல்லை. கோடை விடுமுறையை முன்னிட்டு பக்தர்களின் வருகை அதிகரிக்கும் என்பதால் கோயில் நிர்வாகம் அறிவிப்பு.
ஒடிசாவின் மூத்த ஐ.ஏ.எஸ். அதிகாரி சுஜாதா கார்த்திகேயன் விருப்ப ஓய்வு கேட்டு விண்ணப்பம். நவீன் பட்நாயக்கின் வலது கரமாக திகழ்ந்த வி.கே.பாண்டியனின் மனைவி திடீர் முடிவு.
சத்தீஸ்கரின் சுக்மா மாவட்டத்தில் பாதுகாப்பு படையினருடன் துப்பாக்கிச்சண்டை. மாவோயிஸ்ட்கள் 17 பேர் சுட்டுக் கொல்லப்பட்டனர்.
மாசடைந்த தண்ணீரில் கலந்திருக்கும் 4 வகை ரசாயனங்கள். தலைமுடிக்கு பாதிப்பை ஏற்படுத்தும் என ஆய்வில் தகவல்.
துருக்கியில் இஸ்தான்புல் மேயர் கைது செய்யப்பட்டதற்கு எதிர்ப்பு. போராட்டத்தில் ஆயிரக்கணக்கானோர் பங்கேற்பு.
சர்வதேச டேபிள் டென்னிஸ் போட்டிகளில் இருந்து தமிழக வீரர் சரத் கமல் ஓய்வு. கடைசி போட்டியில் தோல்வியுடன் வெளியேறினார்.
ஐபிஎல் கிரிக்கெட் தொடர். 36 ரன்கள் வித்தியாசத்தில் மும்பையை வீழ்த்தி குஜராத் டைட்டன்ஸ் அணி வெற்றி.
சென்னையில் களமிறங்கும் ரொனால்டினோ, காகா அடங்கிய பிரேசில் ஜாம்பவான் அணி. இந்திய லெவன் அணியுடன் நேரு விளையாட்டு அரங்கில் இன்று பலப்பரீட்சை.
