Headlines|தொகுதி மறுசீரமைப்பு விவகாரம் முதல் சூறையாடப்பட்ட சவுக்கு சங்கர் வீடு வரை!
தொகுதி மறுசீரமைப்பு விவகாரத்தில் தமிழக எம்பிக்களுடன் பிரதமர் மோடியை சந்திக்க திட்டம் என சட்டப்பேரவையில் முதல்வர் ஸ்டாலின் அறிவிப்பு.
தமிழகத்தில் உள்ள கேந்திரிய வித்யாலயா பள்ளிகளில் நிரந்தர தமிழாசிரியர்கள் எண்ணிக்கை பூஜ்ஜியம். நாடாளுமன்றத்தில் திமுக எம்பி கனிமொழி எழுப்பிய கேள்விக்கு எழுத்துப்பூர்வமாக பதில் அளித்தது மத்திய அரசு.
யூ-டியூபர் சவுக்கு சங்கரின் வீடு சூறையாடப்பட்ட வழக்கு சிபிசிஐடிக்கு மாற்றம். தாக்குதலின் பின்னணியில் தமிழக காங்கிரஸ் தலைவர் செல்வப்பெருந்தகை இருப்பதாக சவுக்கு சங்கர் குற்றச்சாட்டு.
மும்பை தாராவி பகுதியில் லாரியில் ஏற்பட்ட தீ விபத்தில் வெடித்து சிதறிய சிலிண்டர்கள். நீண்ட நேரம் போராடி தீயை அணைத்த தீயணைப்புத்துறை வீரர்கள்.
வெனிசுலாவிடம் இருந்து எண்ணெய் மற்றும் எரிவாயுவை இறக்குமதி செய்யும் நாடுகளுக்கு 25 விழுக்காடு வரி விதிக்கப்படும் என அமெரிக்க அதிபர் டொனால்டு ட்ரம்ப் அதிரடி அறிவிப்பு.
அங்கீகரிக்கப்பட்ட அரசியல் கட்சிநிர்வாகிகளுடன் மாநில தலைமை தேர்தல் அதிகாரி ஆலோசனை. வாக்காளர் பட்டியலில் உள்ள குறைபாடுகளை நீக்க கட்சிகள் வலியுறுத்தல்.
உலக காச நோயாளிகளில் 30 விழுக்காடு பேர் இந்தியாவில் இருப்பதாக ஆளுநர் ஆர்.என்.ரவி வேதனை. காச நோய் ஒழிப்புக்கான இலக்கில் இருந்து நாம் வெகுதொலைவில் இருப்பதாகவும் பேச்சு.
கள்ளக்குறிச்சி மாவட்டம் தியாகதுருகம் வனச்சரக அலுவலகத்தில் லஞ்ச ஒழிப்புத்துறை அதிகாரிகள் சோதனை. இதில், கணக்கில் வராத 3 லட்ச ரூபாய் பறிமுதல்.
மயிலாடுதுறையில் அரசுப் பேருந்தில் தவறவிடப்பட்ட 2 வயது பெண் குழந்தை பெற்றோரிடம் பத்திரமாக ஒப்படைப்பு. குழந்தையை அமர வைத்துவிட்டு மனைவியை தந்தை அழைத்து வருவதற்கு முன் புறப்பட்ட பேருந்து.
மஹாராஷ்டிரா துணை முதல்வர் ஏக்நாத் ஷிண்டேவை விமர்சித்த விவகாரம். மன்னிப்பு கேட்க முடியாது என நகைச்சுவை பேச்சாளர் குணால் கம்ரா திட்டவட்டம்.
அடுத்த ஆண்டு பொங்கல் விருந்தாக வெளியாகிறது விஜய்யின் 'ஜனநாயகன்' திரைப்படம். 2026 ஜனவரி 9 ஆம் தேதி வெளியாவதாக, வண்ணமயமான போஸ்டரை வெளியிட்டு அறிவித்தது படக்குழு.
கேரள மாநிலம் இடுக்கியில் சர்வதேச பாரா கிளைடிங் சாம்பியன்ஷிப் போட்டி நிறைவு. பார்வையாளர்களை கவர்ந்த வீரர்கள்.
தமிழகத்தில் காலியாக உள்ள ஏழாயிரத்து 535 ஆசிரியர் பணியிடங்கள். நடப்பாண்டு நடைபெறும் தேர்வுகளுக்கான உத்தேச அட்டவணை வெளியீடு.
நாடாளுமன்ற உறுப்பினர்களின் மாத ஊதியம் ஒரு லட்சம் ரூபாயிலிருந்து ஒரு லட்சத்து 24ஆயிரம் ரூபாயாக உயர்வு. எம்.பிக்களின் தினசரி படியும் உயர்த்தப்பட்டுள்ளதாக மத்திய அரசு அறிவிப்பு.
ஐபிஎல் தொடரில் சென்னை அணியின் 2ஆவது போட்டிக்கு, இன்று டிக்கெட் விற்பனை. விராட் கோலியின் RCB அணிக்கு எதிரான போட்டி என்பதால் ரசிகர்களிடையே பெரும் எதிர்பார்ப்பு.
சிலியில் ஏற்பட்ட காட்டுத்தீயில் ஏராளமான மரங்கள் எரிந்து சேதம். பொதுமக்கள் பாதுகாப்பான இடங்களுக்கு வெளியேற்றம்.
