கேரளா: திருவிழாவிற்காக கொண்டுவரப்பட்ட யானைகள்: மோதிக்கொண்டதால் பலியான மூவர்!

கேரளாவில் கோயில் திருவிழாவிற்கு கொண்டு வரப்பட்ட இரண்டு யானைகள் மோதிக் கொண்டதால் ஏற்பட்ட கூட்ட நெரிசலில் சிக்கி 3 பேர் உயிரிழந்தனர்.

கோழிக்கோடு மாவட்டம் கொய்லாண்டி அருகே கோயில் திருவிழாவில் யானைகள் ஊர்வலம் நடைபெற்றது. அப்போது, ஒரு யானை மிரண்டு ஓடியபடி, மற்றொரு யானையை தாக்கியது. மக்கள் அலறியடித்து ஆளுக்கொரு திசையில் ஓடியதால் திருவிழாவில் கூட்ட நெரிசல் ஏற்பட்டது.

இதில், 3 பேர் பரிதாபமாக உயிரிழந்தனர். மேலும், காயமடைந்த 25- க்கும் மேற்பட்டோர் மருத்துவமனையில் சிகிச்சை பெற்று வருகின்றனர். திருவிழாவில் பட்டாசு வெடித்ததால் யானை மிரண்டதாக கூறப்படும் நிலையில், யானைகள் மோதிக் கொண்ட காட்சிகள் வெளியாகியுள்ளன.