HEADLINES|மதுரையில் அமித் ஷா பேச்சு முதல் தமிழ்நாட்டில் பெய்த மழை வரை!
தமிழ்நாட்டில் பாஜக, அதிமுக கூட்டணி ஆட்சி அமையும் என அமித் ஷா சூளுரை. திமுகவை தூக்கி எறிய மக்கள் காத்திருப்பதாகவும் மதுரை நடந்த கூட்டத்தில் பேச்சு.
திருப்பரங்குன்றம் முருகன் மலையை சிக்கந்தர் மலை என்று பேச திமுக அரசுக்கு என்ன துணிச்சல்?. ஜூன் 22-ஆம் தேதி நடக்கும் முருக பக்தர்கள் மாநாட்டில் ஒற்றுமையை காட்ட வேண்டும் என்றும் அமித் ஷா பேச்சு.
தமிழ்நாட்டைச் சேர்ந்தவர் ஒடிசாவில் ஆட்சி செய்வதா என கேள்வி கேட்ட அமித் ஷா, மதுரையில் கபட வேடம் தரிப்பதாக ஆர்.எஸ்.பாரதி விமர்சனம்.
எத்தனை ‘ஷா’ கள் வந்தாலும் தமிழ்நாட்டில் ஒன்றும் செய்ய முடியாது எனவும் உறுதி. முருகன் மாநாட்டை அரசியலுக்காக பாஜக நடத்துவதாக சீமான் விமர்சனம்..
மதவாத அரசியலுக்கு தமிழக மக்கள் மயங்க மாட்டார்கள் என திருமாவளவன்பேட்டி.
மணிப்பூரில் மெய்தி சமூக தலைவர் கைது செய்யப்பட்டதை கண்டித்து வன்முறை. அசம்பாவிதங்களை தடுக்க 5 மாவட்டங்களில் ஊரடங்கு, இணைய சேவை துண்டிப்பு.
குற்றச்சாட்டு குறித்து கடிதம் எழுதினால் மட்டுமே ராகுல் காந்திக்கு விளக்கம் அளிக்கப்படும். பிஹார் தேர்தலில் மேட்ச் ஃபிக்ஸிங் நடக்கலாம் என ராகுல் கூறியதற்கு, தேர்தல் ஆணைய வட்டாரங்கள் தகவல்.
10 ஆண்டுகளை நிறைவு செய்யவுள்ள சென்னை மெட்ரோ ரயில் சேவை . இதுவரை 39 கோடி பேர் பயணம் செய்துள்ளதாக மெட்ரோ ரயில் நிர்வாகம் தகவல் .
திருச்செந்தூர் முருகன் கோயிலில் வைகாசி விசாகத் திருவிழா கோலாகலம். திரளான பக்தர்கள் காவடி எடுத்தும், அலகு குத்தியும் நேர்த்திக் கடன் .
பக்ரீத் மற்றும் வார விடுமுறை முடிந்து சென்னை திரும்பிய மக்கள். விழுப்புரம் மற்றும் உளுந்தூர்பேட்டை சுங்கச்சாவடியில் கடும் போக்குவரத்து நெரிசல்.
கிருஷ்ணகிரி, திருவண்ணாமலையில் பலத்த காற்றுடன் மழை . உளுந்தூர்பேட்டை, கள்ளக்குறிச்சி பகுதியிலும் பரவாக மழை பெய்ததால் தணிந்தது வெப்பம்.
தமிழகத்தில் நாளை முதல் வரும் 14ஆம் தேதி வரை கனமழைக்கு வாய்ப்பு. சென்னையில் மிதமான மழை பெய்யக்கூடும் என்றும் வானிலை மையம் கணிப்பு.
சட்டவிரோத குடியேறிகளை வெளியேற்றுவதில் ட்ரம்ப் அரசுக்கும், கலிஃபோர்னியா ஆளுநருக்கும் இடையே கருத்து மோதல். குடியேற்றத்துறை அதிகாரிகளுக்கு எதிராக வெளிநாட்டினர் போராடுவதால், களத்தில் இறங்கும் சிறப்புப் படை.
பிரெஞ்சு ஓபனில் டென்னிசில் தொடர்ந்து இரண்டாவது முறையாக வாகைசூடினார் ஸ்பெயினின் அல்கராஸ். ஐந்தரை மணி நேரம் நீடித்த இறுதிப்போட்டியில் இத்தாலியின் சின்னரை போராடி வென்றார் .
