Headlines|ஞானசேகரனுக்கு இன்று தண்டனை அறிவிப்பு முதல் ஃபைனலில் பஞ்சாப் அணி வரை!
தமிழகத்தில் கோடை விடுமுறைக்குப்பின் இன்று பள்ளிகள் திறப்பு. பென்சில், பேனா, புத்தகப் பை உள்ளிட்ட பொருட்கள் வாங்க கடைகளில் அலைமோதிய கூட்டம்.
கோடை விடுமுறைக்கு வெளியூர் சென்றவர்கள், பள்ளிகள் இன்று திறக்கப்படுவதால் சொந்த ஊர் திரும்பினர். இதனால், ரயில் மற்றும் பேருந்து நிலையங்களில் கூட்ட நெரிசல்.
அண்ணா பல்கலைக்கழக மாணவி வன்கொடுமை வழக்கில் குற்றவாளி ஞானசேகரனுக்கு இன்று தண்டனை அறிவிப்பு. உச்சபட்ச தண்டணை வழங்க அரசு தரப்பில் வலியுறுத்தப்பட்டுள்ளதால் எதிர்பார்ப்பு.
ஐபிஎல் கிரிக்கெட்டில் மும்பை அணியை வீழ்த்தி இறுதிப்போட்டிக்கு தகுதி பெற்றது பஞ்சாப் அணி. நாளை நடைபெறும் இறுதிப்போட்டியில் பெங்களூரு அணியுடன் பலப்பரீட்சை.
ஐபிஎல் கிரிக்கெட்டில் இதுவரை கோப்பை வெல்லாத இரு அணிகள் இறுதிப்போட்டியில் மோதல். 'ஈ சாலா கப் நமதே' என்ற பெங்களூருவின் கனவு இந்த ஆண்டாவது நனவாகுமா?
தமிழ்நாட்டை பாஜக கட்டுப்பாட்டில் கொண்டுசெல்ல பழனிசாமி துடிக்கிறார். அதிமுக-பாஜக கூட்டணி ஆட்சியால் அதல பாதாளம் சென்ற தமிழ்நாட்டை மீட்டிருப்பதாகவும் முதல்வர் பேச்சு.
அதிமுக யாருக்கும் துரோகம் இழைக்கவில்லை என கோவையில் எடப்பாடி பழனிசாமி பேட்டி. திமுகதான் நாட்டிற்கு துரோகம் செய்திருப்பதாகவும் சாடல்.
மாநிலங்களவை தேர்தலில் 2 இடங்களிலும் அதிமுகவே போட்டி. வழக்கறிஞர்கள் இன்பதுரை, தனபால் களம் காண்பார்கள் என அறிவிப்பு.
அதிமுக கூட்டணியில் இருப்பதை உறுதிபடுத்தாத தேமுதிக பொதுச் செயலாளர் பிரேமலதா. தேர்தலை மனதில் வைத்து அதிமுக செயல்படுவதால் தேமுதிகவும் அவ்வாறே செயல்படும் என பதிலடி.
பூம்புகாரில் வரும் 10ஆம் தேதி நடக்கும் பாமக மகளிர் பெருவிழாவில் பங்கேற்க அன்புமணிக்கு ராமதாஸ் அழைப்பு. தந்தை, மகன் இடையே மோதல் நிலவி வந்த சூழலில், விரைவில் இருவரும் சந்திப்பார்கள் என கட்சி நிர்வாகிகள் எதிர்பார்ப்பு..
தமிழ் திரைப்பட இயக்குநர் விக்ரம் சுகுமாரன் மாரடைப்பால் உயிரிழப்பு. மதயானைக்கூட்டம், இராவணக்கோட்டம் படங்களை இயக்கி கவனம் பெற்றவர்.
ரஷ்யாவின் விமானப் படை தளங்கள் மீது உக்ரைன் ட்ரோன்கள் மூலம் கடுமையான தாக்குதல். இரு நாடுகளுக்கு இடையே போர் பதற்றம் அதிகரிப்பு.
உக்ரைன் நடத்திய தாக்குதலில் ரஷ்யாவின் 41 விமானங்கள் அழிக்கப்பட்டதாக தகவல். 472 ட்ரோன்கள் மற்றும் 7 ஏவுகணைகள் ஏவி ரஷ்யாவும் பதில் தாக்குதல்.
ஸ்வரங்களில் சாகசம் செய்யும் இளையராஜாவுக்கு இன்று 83வது பிறந்நாள். இதயங்களை இசையால் நிரப்பும் இசைஞானியை வாழ்த்துகிறது புதிய தலைமுறை.
