HEADLINES |புனேவில் ஆற்றுப்பாலம் இடிந்தது முதல் ஈரான் இஸ்ரேல் போரை நிறுத்தம் வரை!
லண்டனில் இருந்து சென்னை நோக்கி பறந்த பிரிட்டிஷ் ஏர்வேஸ் விமானம், தொழில்நுட்பக் கோளாறால் அவசரமாக தரையிறக்கம். அகமதாபாத்தில் விபத்தில் சிக்கிய அதே ரக போயிங் விமானம், பெரும் ஆபத்தில் இருந்து தப்பியது.
அகமதாபாத் விமான விபத்தில் உயிரிழந்தவர்களில் 47 பேரின் அடையாளம் உறுதி. அடையாளம் காணப்பட்ட குஜராத் முன்னாள் முதல்வர் விஜய் ரூபானியின் உடலுக்கு இன்று இறுதிச்சடங்கு.
புனேவில் ஆற்றுப்பாலத்தின் ஒருபகுதி இடிந்து விழுந்த விபத்தில் உயிரிழப்பு எண்ணிக்கை 4ஆக அதிகரிப்பு. உயிரிழந்தவர்களின் குடும்பத்தினருக்கு தலா 5 லட்சம் ரூபாய் நிதியுதவி அறிவிப்பு.
உலகின் டிஜிட்டல் பரிவர்த்தனைகளில் 50 விழுக்காடு யுபிஐ மூலம் இந்தியாவில்தான் நிகழ்கின்றன என சைப்ரஸில் தொழிலதிபர்கள் மாநாட்டில் பேசிய பிரதமர் நரேந்திர மோடி பெருமிதம்.
தேசிய மக்கள் தொகை கணக்கெடுப்பு குறித்து இன்று வெளியாகிறது அதிகாரப்பூர்வ அறிவிப்பு. சமூக வலைத்தளப் பக்கத்தில் மத்திய உள்துறை அமைச்சர் அமித் ஷா பதிவு.
தஞ்சையில் பொதுமக்களை சந்தித்தபடி இரண்டு கிலோ மீட்டர் தூரம் சாலைவலம் மேற்கொண்ட முதல்வர் ஸ்டாலின். முன்னாள் முதல்வர் கருணாநிதியின் முழு உருவச் சிலையை திறந்து வைத்தார்.
கள் இறக்குவதற்கான தடையை நீக்கக் கோரி நாம் தமிழர் கட்சியின் ஒருங்கிணைப்பாளர் சீமான் நூதன போராட்டம். பனைமரம் ஏறும் தொழிலாளர்களுடன் இணைந்து பனை மரம் ஏறிய சீமான்.
கள் இறக்கும் போராட்டத்தில் ஈடுபட்ட சீமானை கைது செய்யாவிட்டால் கடும் போராட்டம் வெடிக்கும். புதிய தமிழகம் கட்சித் தலைவர் கிருஷ்ணசாமி எச்சரிக்கை.
தந்தை ராமதாஸிடம் பகிரங்க மன்னிப்புக் கோரினார் அன்புமணி. மகனாகவும் பாமக தலைவராகவும் தாங்கள் சொல்வதை செய்யத் தயார் என்றும் பேச்சு.
வாணியம்பாடியில் மணல் கடத்தலைத் தட்டிக் கேட்ட குடும்பத்தினர் மீது தாக்குதல். அரசு மருத்துவமனைக்குள் புகுந்து தாக்கிய மணல் கொள்ளையர்களால் அதிர்ச்சி.
நீலகிரி மாவட்டத்தில் இன்றும் மிக கனமழைக்கு வாய்ப்பு. கோவை, திருப்பூர், திண்டுக்கல், தேனி, தென்காசி மாவட்டங்களுக்கு கனமழை எச்சரிக்கை.
கேரளாவின் கோழிக்கோட்டில் கொட்டித் தீர்த்த கனமழையால் சாலைகளில் பெருக்கெடுத்த வெள்ளம். வயநாடு, மலப்புரம், காசர்கோடு உள்ளிட்ட 5 மாவட்டங்களுக்கு இன்றும் ரெட் அலர்ட்.
கர்நாடக மாநிலம் மங்களூருவில் கனமழையால் அடியோடு சாய்ந்த சுற்றுச்சுவர். எதிர்வீட்டில் இருந்த இரும்புக் கதவும் பெயர்ந்து விழுந்த சிசிடிவி காட்சிகள்.
இஸ்ரேலின் வடக்கு, தெற்கு பகுதிகளில் ஈரான் வீசிய ஏவுகணைகளால் கட்டடங்கள் சேதம், பலர் படுகாயம். ஈரான் மீதான இஸ்ரேலிய தாக்குதல்களில் கொல்லப்பட்டவர்களின் எண்ணிக்கை 224 ஆக உயர்வு.
ஈரான் உயர்மட்டத் தலைவரைக் கொல்ல ரகசியத் திட்டம் தீட்டியதா இஸ்ரேல்?. கமேனியைக் கொல்லும் திட்டத்தை அதிபர் ட்ரம்ப் தடுத்து நிறுத்தியதாக அமெரிக்க அதிகாரிகள் தகவல்.
ஈரானும், இஸ்ரேலும் போரை நிறுத்த வேண்டும் என அமெரிக்க அதிபர் ட்ரம்ப் வலியுறுத்தல். இந்தியா, பாகிஸ்தானுக்கு இடையேயான சண்டையை, தான் நிறுத்தியதாக மீண்டும் குறிப்பிட்டு பதிவு.
