HEADLINES|பெங்களூரில் வெளுத்து வாங்கிய கனமழை முதல் சமையல் எண்ணெய் விலை குறைய வாய்ப்பு வரை!
டெல்டா பாசனத்திற்காக மேட்டூர் அணையில் இருந்து இன்று தண்ணீர் திறப்பு. தொடர்ச்சியாக மூன்றாவது முறையாக நீரை திறந்துவிடுகிறார் முதலமைச்சர் மு.க.ஸ்டாலின்.
தமிழகத்தின் பல்வேறு மாவட்டங்களில் பரவலாக மழை. திருவண்ணாமலையில் வெள்ளப் பெருக்கால் பொதுமக்கள் அவதி.
நீலகிரி, கோவை, திருப்பூர், திண்டுக்கல், தேனி, தென்காசி, நெல்லை, கன்னியாகுமரி மாவட்டங்களில் நாளை முதல் 4 நாட்களுக்கு கனமழைக்கு வாய்ப்பு. தயார் நிலையில் இருக்க மாவட்ட ஆட்சியர்களுக்கு பேரிடர் மேலாண்மைத் துறை அறிவுறுத்தல்.
பெங்களூருவில் ஒரு மணி நேரத்திற்கும் மேலாக வெளுத்து வாங்கிய மழை. நகரத்தின் முக்கிய பகுதிகள் வெள்ளத்தில் மூழ்கின. மக்கள் கடும் பாதிப்பு.
நேர்மையான அறிவின் மூலம் தமிழ் பாரம்பரியத்தை பெருமைப்படுத்த வேண்டும் என கீழடி விவகாரத்தில் முதலமைச்சர் மு.க. ஸ்டாலினுக்கு மத்திய அமைச்சர் கஜேந்திரசிங் ஷெகாவத் வலியுறுத்தல்.
ஈரோடு பவானி பகுதியில் சாலைவலம் சென்றார் முதல்வர் ஸ்டாலின். வழிநெடுகிலும் நின்ற மக்களிடம் கோரிக்கை மனுக்களை பெற்றார்.
பொதுமக்களிடம் இருந்து வாங்கும் மனுக்களில் கூட முதல்வர் விளம்பரம் தேடுவதாக பழனிசாமி விமர்சனம். ஒரு திட்டத்திற்கு பல்வேறு பெயர்களைச் சூட்டும் விளம்பர மாடல் அரசு என்றும் பதிவு.
பேருந்தில் ஓசியில் செல்கிறீர்கள் என சர்ச்சைக்குரிய வகையில் பேசிய ஆண்டிபட்டி திமுக எம்எல்ஏ. ஆணவத்திற்கு பொதுமக்கள் பதிலடி கொடுப்பார்கள் என அண்ணாமலை கண்டனம்.
கர்நாடகா, ஆந்திரா, ஜார்க்கண்ட் மாநிலங்களில் புதிய ரயில் திட்டங்கள். 6 ஆயிரத்து 405 கோடி ரூபாய் நிதியை ஒதுக்க மத்திய அமைச்சரவை ஒப்புதல்.
கும்பமேளா உயிரிழப்பில் உண்மை மறைக்கப்பட்டுள்ளதாக ராகுல் காந்தி குற்றச்சாட்டு. இதுதான் உண்மையான பாஜக மாடல் என உத்தர பிரதேச அரசு மீது விமர்சனம்.
தேனிலவுக்குச் சென்ற இளைஞரை மனைவியே கொலை செய்த அதிர்ச்சி சம்பவம். மறைந்த இளைஞரின் தாயாரிடம் கண்ணீர்விட்டு கதறி அழுது மன்னிப்புக் கேட்ட பெண்ணின் சகோதரர்.
சூரியகாந்தி, பாமாயில் போன்றவைகளின் கச்சா சமையல் எண்ணெய்க்கான சுங்கவரி 10 விழுக்காடாக குறைப்பு. இறக்குமதி வரி குறைப்பால், சந்தைகளில் சமையல் எண்ணெய் விலை குறைய வாய்ப்பு.
அமெரிக்கா உடனான உறவு இந்தியாவுக்கு மிகவும் முக்கியம் என வெளியுறவு அமைச்சர் ஜெய்சங்கர் பேட்டி. ட்ரம்ப் மீது நம்பிக்கை உள்ளதா என்று செய்தியாளர்கள் கேட்ட கேள்விக்கு பதில்.
சீனாவுடனான வர்த்தக ஒப்பந்தம் இறுதியாகி இருப்பதாக அமெரிக்க அதிபர் ட்ரம்ப் அறிவிப்பு. சீன பொருட்கள் மீதான இறக்குமதி வரியை 55% ஆக குறைக்க முடிவு.
உலக டெஸ்ட் சாம்பியன்ஷிப்பில் ஆஸ்திரேலியா அணி 212 ரன்களுக்கு ஆல்அவுட். முதல்நாள் ஆட்டநேர முடிவில் தென்னாப்பிரிக்கா 43 ரன்களுக்கு 4 விக்கெட்டுகளை இழந்து தடுமாற்றம்.
