HEADLINES|ட்ரம்ப் பெயரைக் குறிப்பிடாமல் மோடி விளக்கம் முதல் விண்ணில் பாயும் நிசார் வரை!
ஆபரேஷன் சிந்தூர் தாக்குதலை நிறுத்துமாறு எந்த உலக தலைவரும் கூறவில்லை. அமெரிக்க அதிபர் ட்ரம்ப் பெயரைக் குறிப்பிடாமல் மக்களவையில் பிரதமர் மோடி விளக்கம்.
நாட்டில் ஏற்பட்ட பிரிவினைக்கு முந்தைய காங்கிரஸ் ஆட்சியாளர்களே காரணம் என அமித் ஷா குற்றச்சாட்டு. பயங்கரவாதத்தை கண்டு மோடி அரசு அமைதியாக இருக்காது எனவும் பேச்சு.
பஹல்காம் தாக்குதல் மத்திய உள்துறை அமைச்சர் அமித் ஷாவின் தோல்வி என காங்கிரஸ் தலைவர் கார்கே காட்டம்.. பாகிஸ்தான் உடனான போரை நிறுத்தியதாக டிரம்ப் கூறியது வெட்கக்கேடு என்று திமுகவின் ஆ.ராசா விமர்சனம்.
தேர்தல் நெருங்கும் போது பாஜகவினருக்கு தமிழ் பெருமிதம் நினைவுக்கு வந்துவிடும் என கனிமொழி விமர்சனம். தமிழன் கங்கையை வெல்வான் என்றும் உறுதி.
திமுக ஆட்சியில் கிராமங்களில் கூட இனி டீக்கடை, சலூன் கடை வைக்க முடியாது. 500 ரூபாய் முதல் 50 ஆயிரம் ரூபாய் வரை அரசு வரி கேட்பதாக பழனிசாமி விமர்சனம்.
இந்தியாவில் இருந்து இறக்குமதியாகும் பொருட்களுக்கு 20 முதல் 25 விழுக்காடு வரை வரி விதிக்கப்படலாம். அமெரிக்க அதிபர் டொனால்டு ட்ரம்ப் தகவல்.
இன்று விண்ணில் பாய்கிறது இந்திய - அமெரிக்க கூட்டு தயாாிப்பான நிசார் செயற்கைக்கோள். பூமியின் மேற்பரப்பில் நிகழும் மாற்றங்களை துல்லியமாக கண்காணிக்க திட்டம்.
நிறைபுத்தரிசி பூஜைக்காக சபரிமலை ஐயப்பன் கோயில் நடை திறப்பு. ஏராளமான பக்தர்கள் சாமி தரிசனம்.
நடப்பு கல்வியாண்டுக்கான பொதுத்தேர்வு கால அட்டவணை அக்டோபரில் வெளியீடு. செப்டம்பர் 18இல் காலாண்டுத் தேர்வும், டிசம்பர் 15இல் அரையாண்டுத் தேர்வும் தொடக்கம்.
நெல்லை ஆணவ படுகொலை வழக்கில், உயிரிழந்த இளைஞரின் குடும்பத்தினருடன் காவல் துறை நடத்திய பேச்சுவார்த்தை தோல்வி. சுர்ஜித்தின் பெற்றோரை கைது செய்தால் மட்டுமே உடலை பெறுவோம் என திட்டவட்டம்.
திருவள்ளூர் சிறுமி பாலியல் வன்கொடுமை வழக்கில் கைதான ராஜு விஸ்வ கர்மாவுக்கு 4 நாள் போலீஸ் காவல். காவல் துறைக்கு அனுமதி வழங்கி நீதிமன்றம் உத்தரவு.
மடப்புரம் கோயில் ஊழியர் அஜித்குமார் மரண வழக்கு.. நகை காணாமல் போனதாக புகார் அளித்த நிகிதாவிடம் சிபிஐ அதிகாரிகள் 7 மணி நேரம் விசாரணை.
இந்திய அணியின் பயிற்சியாளர் கம்பீர் மற்றும் ஓவல் மைதானத்தின் பராமரிப்பாளர் இடையே கடும் வாக்குவாதம். ஆடுகளத்தில் இருந்து சிறிது தூரம் விலகி நிற்குமாறு கூறியதால் சண்டை.
