Headlines: மு.க.முத்து மரணம் முதல் இஸ்ரேல் - சிரியா இடையே போர்நிறுத்த ஒப்பந்தம் வரை!

முன்னாள் முதல்வர் கருணாநிதியின் மூத்த மகன் மு.க.முத்து உடல்நலக்குறைவால் காலமானார்.

சென்னை கடற்கரை - செங்கல்பட்டு வழித்தடத்தை தொடர்ந்து, சென்னை - அரக்கோணத்திற்கும் விரைவில் ஏசி ரயில் சேவை வழங்கப்படவுள்ளது.

வங்கத்தின் பெருமையை உண்மையாகவே மதிப்பது, பாதுகாப்பதும் பாஜக தான் என பிரதமர் மோடி கூறியுள்ளார்.

சத்தீஸ்கர் முன்னாள் முதல்வரும் காங்கிரஸ் மூத்த தலைவருமான பூபேஷ் பகேலின் மகன், அமலாக்கத் துறையால் கைது செய்யப்பட்டுள்ளார்.

இந்தியாவில் கடந்த ஒரே ஆண்டில் சுமார் 7 ஆயிரத்து 500 ஸ்டார்ப் அப் நிறுவனங்கள் மூடப்பட்டுள்ளது தெரியவந்துள்ளது.

காங்கிரஸ் தலைமையிலான இந்தியா கூட்டணியில் இருந்து ஆம் ஆத்மி விலகுவதாக, அந்த கட்சியின் நாடாளுமன்றக் குழு தலைவரான சஞ்சய் சிங் தெரிவித்துள்ளார்.

உத்தராகண்ட் மாநிலத்தில் உள்ள நந்தா தேவி சிகரம், நாற்பது ஆண்டுகளுக்குப் பிறகு மீண்டும் மலையேறுபவர்களுக்காக திறக்கப்பட உள்ளது.

பீகாரில் உள்ள மொத்த வாக்காளர்களில் 94.68 சதவீதம் பேர் சிறப்பு திருத்தப் பணியில் சேர்க்கப்பட்டுள்ளதாக இந்திய தலைமை தேர்தல் ஆணையம் தெரிவித்துள்ளது.

ஏமன் நாட்டில் மரண தண்டனையை எதிர்கொண்டுள்ள நிமிஷா பிரியாவை மீட்பதற்கு குழுவை அனுப்புவது குறித்து மத்திய அரசே முடிவெடுக்குமாறு உச்ச நீதிமன்றம் கூறியுள்ளது.

இஸ்ரேல் - சிரியா இடையே போர்நிறுத்த ஒப்பந்தம் அமலுக்கு வந்துள்ளது.