HEADLINES|நேட்டோவுக்கு பதிலடி கொடுத்த இந்தியா முதல் வெளியானது தலைவன், தலைவி ட்ரெய்லர் வரை!
ரஷ்யாவுடன் வர்த்தகத்தை தொடர்ந்தால், இரண்டாம் நிலை தடைகள் விதிக்கப்படும் என எச்சரித்திருந்த நேட்டோவுக்கு இந்தியா பதிலடி. நாட்டு மக்களின் எரிசக்தி தேவைகளை பூர்த்தி செய்வதற்கு இந்தியா முன்னுரிமை அளிக்கும் என திட்டவட்டம்.
மேற்கு வங்கத்திற்கு இன்று பயணம் மேற்கொள்கிறார் பிரதமர் மோடி. 5,000 கோடி ரூபாய் மதிப்பிலான திட்டங்களைத் தொடங்கி வைக்கிறார்.
இனி அதிகமாக பெங்காலி மொழியை பேசுவேன்; முடிந்தால் தடுப்பு முகாமில் அடைத்து வையுங்கள். புலம்பெயர் தொழிலாளர்கள் விவகாரத்தில் மத்திய அரசுக்கு மேற்குவங்க முதல்வர் மம்தா பானர்ஜி எச்சரிக்கை.
பிஹாரில் ஐந்தரை லட்சத்திற்கும் அதிகமான வாக்காளர்கள் ஒன்றுக்கும் மேற்பட்ட இடங்களில் முகவரி பதிவு. 35 லட்சத்திற்கும் மேற்பட்டோர் தங்கள் முகவரிகளில் இல்லாததும் சிறப்பு வாக்காளர் பட்டியல் திருத்தத்தில் கண்டுபிடிப்பு.
பெருந்தலைவர் காமராஜர் விவகாரத்தில் கலகமூட்டி குளிர்காய நினைக்கும் தீயவர்களின் எண்ணத்திற்கு இடம்கொடுக்காதீர். வீண் விவாதங்களை தவிர்க்க திமுக தலைவர் மு.க.ஸ்டாலின் வேண்டுகோள்.
காமராஜர் தொடர்பான திமுக எம்.பி. திருச்சி சிவாவின் பேச்சுக்கு அதிமுக பொதுச்செயலாளர் பழனிசாமி கண்டனம். வரும் தேர்தலில் திமுகவுக்கு பொதுமக்கள் நெத்தியடி கொடுக்க வேண்டும் என பேச்சு.
துரை வைகோ அரசியலுக்கு வரக்கூடாதென்று சொன்ன தானே பழிச்சொல்லுக்கு ஆளாகி இருக்கிறேன்... மதிமுக பொதுச்செயலாளர் வைகோ வேதனை. அதிகாரிகள் செந்தில்வேல், டேவிட்சன் தேவாசீர்வாதம், எஸ்.பி. ஸ்டாலின் என்னை குறிவைத்து டார்ச்சர் செய்கின்றனர்..
வாகனம் பறிக்கப்பட்டதாக சர்ச்சையான நிலையில் மயிலாடுதுறை மதுவிலக்கு டிஎஸ்பி சுந்தரேசன் பரபரப்பு குற்றச்சாட்டு.
மயிலாடுதுறை மதுவிலக்கு டிஎஸ்பி சுந்தரேசனின் அனைத்து குற்றச்சாட்டுகளும் தவறானவை. தங்கள் தரப்பில் இருந்து எந்த அழுத்தமும் தரப்படவில்லை என மாவட்ட எஸ்.பி. ஸ்டாலின் விளக்கம்.
திருத்தணியில் இடி மின்னலுடன் கொட்டிய கனமழை. சாலைகளில் வெள்ளம்போல் மழைநீர் பெருக்கெடுத்ததால் வாகன ஓட்டிகள் அவதி.
நீலகிரி, கோவை மாவட்டங்களுக்கு இன்றும் ஆரஞ்ச் அலர்ட். சென்னை, திருவள்ளூர் உட்பட 10 மாவட்டங்களுக்கு கனமழை எச்சரிக்கை.
கேரளாவில் அதிகரிக்கும் தெருநாய்க்கடி சம்பவங்களை கட்டுப்படுத்த மாநில அரசு அதிரடி. நோய் பாதித்த, தொற்று நோய்களை பரப்பக்கூடிய தெருநாய்களை கருணைக் கொலை செய்ய அனுமதி.
ஈராக்கில் வணிக வளாகத்தில் ஏற்பட்ட தீ விபத்தில் உயிரிழந்தோர் எண்ணிக்கை 69 ஆக உயர்வு. விபத்து குறித்த விசாரணைக்கு உத்தரவிட்ட பிரதமர்.
பாகிஸ்தானின் பஞ்சாப் மாகாணத்தில் மழைக்கால அவசரநிலை பிறப்பிப்பு. சாஹான் அணை உடைந்து, பெருக்கெடுத்த வெள்ளம்.
நடிகர் விஜய்சேதுபதி நடிப்பில் உருவான தலைவன், தலைவி படத்தின் ட்ரெய்லர் வெளியானது. பெரிதும் எதிர்பார்க்கப்பட்ட நிலையில் ரசிகர்கள் காட்சிகளை பகிர்ந்து கொண்டாட்டம்.
ஹாலிவுட் இயக்குநர் கிரிஸ்டோபர் நோலன் இயக்கும் "தி ஓடிசி" திரைப்படம் புதிய சாதனை. வெளியீட்டிற்கு ஓராண்டு முன்பே விற்றுத் தீர்ந்த டிக்கெட்டுகள்.
