HEADLINES|திருப்பரங்குன்றம் முருகன் கோயில் முதல் யமுனை ஆற்றில் மீட்கப்பட்ட மாணவியின் உடல் வரை!
திருப்பரங்குன்றம் முருகன் கோயிலில் திருக்குட நன்னீராட்டு பெருவிழா. குன்றத்தில் ஆயிரக்கணக்கான பக்தர்கள் குவிந்தனர். பல லட்சம் வண்ண மலர்களால் அலங்கரிக்கப்பட்டுள்ள திருப்பரங்குன்றம் கோயில். நான்கு மாட வீதிகளில் பக்தர்கள் கண்டுகளிக்கவும் சிறப்பு ஏற்பாடு.
போலியான, தரம் குறைந்த உரங்களை விற்போர் மீது கடும் நடவடிக்கை எடுங்கள் என மாநில முதல்வர்களுக்கு மத்திய அமைச்சர் சிவராஜ் சிங் சவுகான் கடிதம்.
திருக்குறளுக்கு கவிஞர் வைரமுத்து எழுதிய உரையை வெளியிட்டார் முதல்வர் மு.க.ஸ்டாலின். சொந்தம் கொண்டாட ஆரியத்தில் ஆளில்லாததால், வள்ளுவரை காவியடித்து ஏமாற்ற பார்க்கிறார்கள் என குற்றச்சாட்டு.
ஜூலை 24 முதல் ஆகஸ்ட் 8ஆம் தேதி வரை அதிமுக பொதுச்செயலாளர் பழனிசாமி 2ஆம் கட்ட சுற்றுப்பயணம். புதுக்கோட்டை, சிவகங்கை, ராமநாதபுரம் உள்ளிட்ட மாவட்டங்களில் பரப்புரை.
'அன்புமணியுடனான பிரச்சினை நிச்சயம் முடிவுக்கு வரும் என புதிய தலைமுறைக்கு பாமக நிறுவனர் ராமதாஸ் பிரத்யேக நேர்காணல்.
காவல் நிலையங்களில் நிகழும் மரணங்களை கண்டித்து விஜய் தலைமையில் தவெகவினர் போராட்டம். வெற்று திராவிட மாடல் சர்க்கார், தற்போது சாரி மா சர்க்காராக மாறிவிட்டதாக விமர்சனம்.
சரக்கு ரயிலில் தீ விபத்து ஏற்பட்ட இடத்தில் இரவிலும் தொடர்ந்த மீட்புப் பணிகள். ராட்சத கிரேன்கள் மூலம் ரயில் பெட்டிகள் அகற்றம்.ஒரு பாதையில் மட்டும் ரயில் சேவை தொடக்கம்..
மழைக்கால கூட்டத்தொடரை முன்னிட்டு ஜூலை 15இல் மூத்த தலைவர்களுடன் சோனியா காந்தி ஆலோசனை. மல்லிகார்ஜுன் கார்கே, ராகுல் காந்தி உள்ளிட்ட தலைவர்கள் பங்கேற்பு.
காணாமல் போன, டெல்லி பல்கலைக் கழக மாணவியின் உடல், யமுனை ஆற்றில் மீட்பு. ஒரு வாரம் தேடி உடலை மீட்ட டெல்லி மற்றும் திரிபுரா காவல் துறை.
தெலங்கானாவில் காங்கிரஸ் சட்ட மேலவை உறுப்பினர் நவீனின் அலுவலகம் சூறை. பி.ஆர்.எஸ் மேலவை உறுப்பினர் கவிதாவை விமர்சித்து பேசியதால் ஆதவாளர்கள் ஆத்திரம்.
இஸ்ரேலின் வான்வழித் தாக்குதலில் காஸாவில் குழந்தைகள் உட்பட 31 பேர் உயிரிழப்பு. இஸ்ரேல் - ஹமாஸ் இடையே பேச்சுவார்த்தை தோல்வி அடைந்துள்ள நிலையில் தீவிரமடையும் தாக்குதல்.
தங்கள் உளவு அதிகாரியை சுட்டுக்கொன்றதற்கு பதிலடியாக ரஷ்ய உளவாளிகளை கொன்ற உக்ரைன். கைது நடவடிக்கையின்போது தப்ப முயன்றதால் சுட்டுக்கொல்லப்பட்டதாக தகவல்.
விம்பிள்டன் ஆடவர் ஒற்றையர் பிரிவில் இத்தாலி வீரர் ஜானிக் சின்னர் முதல்முறையாக சாம்பியன். ஸ்பெயின் வீரர் அல்காரசை வீழ்த்தி அபாரம்.
இங்கிலாந்துக்கு எதிரான மூன்றாவது டெஸ்டில் கடைசி நாளில் காத்திருக்கும் ட்விஸ்ட். 193 என்ற இலக்கை நோக்கி விளையாடும் இந்திய அணி, 58 ரன்களுக்கு 4 விக்கெட்டுகளை இழந்து திணறல்.
