Headlines|ஏர் இந்தியா விமான விபத்துக்கு காரணம் முதல் பரவலாக பெய்த மழை வரை!
நாட்டையே உலுக்கிய ஏர் இந்தியா விமான விபத்துக்கு காரணம் என்ன?. விமானம் புறப்பட்ட சில நொடிகளில் இரு என்ஜின்களுக்கும் எரிபொருள் தடைபட்டதாக முதற்கட்ட விசாரணை அறிக்கையில் தகவல்
தமிழகத்தில் அதிமுக-பாஜக கூட்டணி வென்றால் கூட்டணி ஆட்சி என மத்திய அமைச்சர் அமித் ஷா மீண்டும்உறுதி.
அதிமுக - பாஜக கூட்டணியில் விஜயை இணைக்க முயற்சிப்போம் என அமித்ஷா சூசகம். தங்களது கூட்டணி இமாலய வெற்றி பெறும் என்றும் சூளுரை.
தமிழ்நாட்டின் வளர்ச்சி டெல்லியை அச்சுறுத்துவதாக முதல்வர் ஸ்டாலின் பதிவு. பழனிசாமியும், அவரது கட்சியும் தமிழ்நாட்டுடன் அல்ல, டெல்லியுடன் நிற்கிறார்கள் என்றும் விமர்சனம்.
பாஜகவை கண்டு அதிமுக அஞ்சவில்லை என எடப்பாடி பழனிசாமி பேச்சு. அமலாக்கத் துறையினர் எப்போது கதவை தட்டுவார்கள் என்ற ஸ்டாலின் நடுக்கத்தில் இருப்பதாகவும் விமர்சனம்.
வன்னியர்களுக்கான இட ஒதுக்கீடு குறித்து திமுக அரசை கண்டித்து வரும் 20ஆம் தேதி அன்புமணி தலைமையில் ஆர்ப்பாட்டம். அன்புமணியின் ஆர்ப்பாட்டத்தில் பங்கேற்க மாட்டேன் என ராமதாஸ் திட்டவட்டம்.
திருமலா பால் நிறுவன மேலாளர் உயிரிழப்பு வழக்கில் மாதவரம் குற்றப்பிரிவு ஆய்வாளர் காத்திருப்போர் பட்டியலுக்கு மாற்றம். கொளத்தூர் காவல் துணை ஆணையர் பொறுப்பில் இருந்து பாண்டியராஜன் தற்காலிகமாக விடுவிப்பு.
தமிழகம் முழுவதும் இன்று நடைபெறுகிறது குரூப்-4 தேர்வு. 3 ஆயிரத்து 935 காலிப்பணியிடங்களுக்கு 13 லட்சத்துக்கும் மேற்பட்டோர் போட்டி.
புதுக்கோட்டையில் முன்விரோதம் காரணமாக தேநீர் கடைக்காரர் மீது அதிமுக நிர்வாகி தாக்குதல். கடைக்குள் நுழைந்து தாக்கிய காட்சிகள் வெளியான நிலையில் 3 பிரிவுகளில் வழக்குப்பதிவு.
வாக்கி டாக்கி சத்தத்துடன் போலீஸார் போன்று குரல்மாற்றம் செய்து நண்பனிடம் PRANK செய்த இளைஞர். நீண்ட நாள் பிரச்சினையாக மாறி கொலையில் முடிந்த சோகம்.
சென்னையின் பல்வேறு பகுதிகளில்சென்னையின் பல்வேறு பகுதிகளில் பரவலாக மழை. பகலில் வெயில் சுட்டெரித்த நிலையில், இரவில் பெய்த மழையால் வெப்பம் தணிந்தது.
விம்பிள்டன் டென்னிஸ் தொடரில் அரையிறுதியில் வெளியேறினார் முன்னணி வீரர் ஜோகோவிச். அசத்தலான ஆட்டத்தை வெளிப்படுத்திய சின்னர் இறுதிப்போட்டிக்கு முன்னேற்றம்.
இங்கிலாந்துக்கு எதிரான டெஸ்ட் போட்டியின் முதல் இன்னிங்ஸில் இந்தியா நிதான ஆட்டம். 2ஆவது நாள் ஆட்ட நேர முடிவில் 145 ரன்கள் குவிப்பு; கே.எல்.ராகுல் அரைசதம்.
சாதி, மதம், இனம், மொழி என எல்லா வேறுபாடுகளையும் கடந்து கலையை நேசிப்பவர்கள் தமிழர்கள். வேள்பாரி புத்தக விழாவில் ரஜினி பேச்சு.
வேள்பாரி, தனது கனவுப்படம் என இயக்குநர் ஷங்கர் நெகிழ்ச்சி... கேம் ஆஃப் த்ரோன்ஸ், அவதார் போன்று உலகம் போற்றக்கூடிய படைப்பாக வரக்கூடிய சாத்தியம் இருப்பதாகவும் பேச்சு.
