Headlines|மகளிர் உரிமைத் தொகை முதல் திருப்பதியில் கூட்ட நெரிசலில் உயிரிழந்தவர்கள் வரை!
திருப்பதியில் கூட்ட நெரிசலில் சிக்கி 6 பேர் உயிரிழப்பு. பரமபதவாசல் திறப்புக்காக இலவச தரிசன டோக்கன் பெற முயன்றபோது நிகழ்ந்த சோகம்.
திருப்பதியில் கூட்ட நெரிசலில் சிக்கி சேலம் மற்றும் பொள்ளாச்சியைச் சேர்ந்த பெண்கள் உயிரிழப்பு. காயமடைந்த 40க்கும் மேற்பட்டோருக்கு தொடரும் சிகிச்சை அளிக்கப்பட்டு வருகிறது.
6 பேர் உயிரிழந்த விவகாரத்தில் பக்தர்களிடம் மன்னிப்பு கோரியது தேவஸ்தானம் நிர்வாகம். உரிய விசாரணை நடத்தி கடும் நடவடிக்கை எடுக்கப்படும் என்றும் உறுதி.
திருப்பதியில் கூட்ட நெரிசலால் உயிரிழந்தோர் குடும்பத்திற்கு பிரதமர் மோடி, எதிர்க்கட்சித் தலைவர் ராகுல் காந்தி உள்ளிட்டோர் இரங்கல். மருத்துவமனையில் சிகிச்சை பெற்று வருபவர்களை இன்று நேரில் சந்திக்கிறார் முதலமைச்சர் சந்திரபாபு நாயுடு.
இன்று முதல் குடும்ப அட்டைதாரர்களுக்கு பொங்கல் பரிசு தொகுப்பு விநியோகம். சென்னை சைதாப்பேட்டை ரேஷன் கடையில் தொடங்கி வைக்கிறார் முதலமைச்சர் மு.க.ஸ்டாலின்.
மாணவி பாலியல் வன்கொடுமை சம்பவத்தில் குற்றவாளிக்கு உச்சபட்ச தண்டனை கிடைக்க நடவடிக்கை எடுக்கப்படும் என முதலமைச்சர் மு.க. ஸ்டாலின் உறுதி.மேலும், யார் அந்த சார் என்பதற்கு ஆதாரம் இருந்தால் கொடுக்கலாம் என அதிமுகவுக்கு பதில்.
தமிழக மக்களையும் சட்டமன்றத்தையும் அவமதிக்கும் வகையில் கருத்து பதிவிட்டதாக ஆளுநருக்கு பேரவையில் கண்டனம். தேசிய கீதத்தை முதலில் பாட வேண்டும் என கோரிக்கை வைக்க ஆளுநருக்கு உரிமையில்லை எனவும் சபாநாயகர் அப்பாவு திட்டவட்டம்.
பொங்கலை முன்னிட்டு வரும் 10ஆம் தேதியே மகளிர் உரிமைத் தொகை வரவு வைக்கப்பட வாய்ப்பு. வழக்கமாக 15ஆம் தேதி வழங்கப்படும் நிலையில் பொங்கல் விழாவுக்கு தயாராகும் வகையில் முன்கூட்டியே வரவு வைக்க தமிழக அரசு திட்டம்.
ஆந்திராவில் 2 லட்சம் கோடி ரூபாய் மதிப்பிலான பல்வேறு வளர்ச்சி திட்டங்களை தொடங்கி வைத்தார் பிரதமர் மோடி. நவீன ஆந்திரப்பிரதேசத்தை உருவாக்க தேசிய ஜனநாயக கூட்டணி அரசு உறுதிபூண்டுள்ளதாக பேச்சு.
ஒரே நாடு ஒரே தேர்தல் மசோதா தொடர்பான நாடாளுமன்ற கூட்டுக்குழு டெல்லியில் ஆலோசனை.முதல் கூட்டத்திலேயே திமுக, காங்கிரஸ் உள்ளிட்ட கட்சிகள் கடும் எதிர்ப்பு.
ஸ்பேடெக்ஸ் இரட்டை விண்கலன்களை விண்வெளியில் ஒருங்கிணைப்பதில் சிக்கல். இன்று திட்டமிடப்பட்டிருந்த டாக்கிங் சோதனையை தொழில்நுட்ப கோளாறு காரணமாக ஒத்திவைத்தது இஸ்ரோ.
ராணிப்பேட்டையில் அடுத்தடுத்து மூன்று வாகனங்கள் மோதி பயங்கர விபத்து ஏற்பட்டதில், நிகழ்விடத்திலேயே 4 பேர் உயிரிழந்த சோகம்.
நெல்லை மாவட்ட ஆட்சியர் அலுவலகத்திற்கு நள்ளிரவு நேரத்தில் வெடிகுண்டு மிரட்டல். மோப்பநாய் உதவியுடன் வெடிகுண்டு தடுப்பு பிரிவு போலீசார் சோதனை.
சமூக நீதிக்கும், பெரியாருக்கும் என்ன தொடர்பு என நாம் தமிழர் கட்சியின் தலைமை ஒருங்கிணைப்பாளர் சீமான் கேள்வி. சமூக நீதியை போராடி பெற்றுத் தந்தவர் பெரியாரா? ஆனைமுத்துவா? என்றும் பரபரப்பு பேட்டி.
விக்கிரவாண்டி தனியார் பள்ளியில், கழிவுநீர் தொட்டியில் விழுந்து மூன்றரை வயது குழந்தை உயிரிழந்த விவகாரத்தில், கைதான பள்ளி தாளாளர் உட்பட 3 பேரின் ஜாமீன் மனுக்கள் தள்ளுபடி.
அமெரிக்காவின் லாஸ் ஏஞ்சலிஸ் பகுதியில் பற்றி எரியும் காட்டுத் தீ. வனப்பகுதியை அழித்து ஆயிரத்திற்கும் மேற்பட்ட கட்டடங்களையும் சேதப்படுத்தியதால் கடும் பாதிப்பு.
விபத்தை சந்தித்தபோதும் துவண்டு விடாத அஜித் குமார். துபாயில் மீண்டும் கார் ரேஸ் பயிற்சியை தொடங்கியதால் ரசிகர்கள் உற்சாகம்.
